Саволлар ва жавоблар Axбoрoт – ресурс турлaри сифaтидa

Маълумотларни киритиш қурилмалари



Клавиатура. Маълумотларни киритиш қисми. Клавиатуралар тугмалар сони (101-109 тугмали) бўйича фарқланади.
Чап томондаги пастки катта блокда алфавитли ва рақамли клавишлар ажратилган ҳолда тасвирланган.
Клавиатуранинг юқори қисмида «F1», «F2», ... , «F12» функционал клавишлари блоки жойлашган. Ушбу клавишлардан фойдаланиш тартиби дастур ва операцион тизим билан белгиланади.
Курсорни бошқариш клавишалари клавиатура панелининг ўнг қисмида жойлашган.
Сичқонча. Амалларни танлаш қисми. Сичқончалар тугмалар сони (2 ва 3 тугмали) ва ишлаш холатлари (трекбол ва сенсор панел) бўйича фарқланади.
Сканерлар. Тасвир ва матн маълумотларни компьютерга киритиш қисми. Сканерлар рангли ва рангсиз бўлади. Улар тасвирларни олиш сифати бўйича фарқланади.
Сканерлар жуда хилма-хилдир ва уларни бир қатор белгилари бўйича таснифлаш мумкин. Сканерлар оқ-қора ва рангли бўлади.
Oқ-қора сканерлар штрихли ва нимрангли тасвирларни ўқиши мумкин. Штрихли тасвирлар ним рангларни, ёки бошқача айтганда, кул ранг даражаларини узатмайди. Ним рангли тасвирлар кул рангнинг 16, 64 ёки 256 даражаларини англаш ва узатиш имконини беради.
Рангли сканерлар оқ-қора ва рангли асл нусхалар (оригиналлар) билан ишлайди. Биринчи ҳолатда улар ҳам штрихли, ҳам ним рангли тасвирларни ўқиш учун ишлатилиши мумкин.
Конструктив жиҳатдан сканерлар дастаки ва столли бўлади.
Столли сканерлар, ўз навбатида планшетли, роликли ва проекцион бўлади.
Шаффоф ташувчилардан тасвирни ўқийдиган слайд-сканерлар алоҳида ажралиб туради.
Дастлабки сканерларнинг тузилиши жуда оддийдир: улар қўл би­лан тасвир бўйлаб силжитилади. Улар ёрдамида бир марта ўтишда тасвир сатрларининг озгина миқдори киритилади.
Планшетли сканерлар энг кўп тарқалган; уларда сканерловчи каллак асл нусҳага нисбатан автоматик силжийди; улар ҳам варақли, ҳам рисолаланган (брошюраланган) ҳужжатларни (китобларни) сканерлаш имконини беради.
Роликли сканерлар энг автоматлаштирилгандир, уларда асл нусха сканерловчи каллакка нисбатан автоматик силжийди, кўпинча ҳуж­жатлар автоматик берилади, лекин сканерланадиган ҳужжатлар фақат варақли бўлади.
Проекцион сканерлар ташқи кўринишидан фото катталаштиргични эслатади, лекин пастда сканерланадиган ҳужжат ётади, юқорида эса сканерловчи каллак жойлашади.
Слайд-сканерлар ҳам тузилиш жиҳатдан турлича бўлади: план­шетли, барабанли, проекцион.

2.