Саволлар ва жавоблар Axбoрoт – ресурс турлaри сифaтидa

Автоматлаштирилган ахборот тизимларининг таркибий жиҳатлари
Автоматлаштирилган ахборот тизими таъминловчи ва функционал қисм-ларга эга.
Таъминловчи қисм ахборот, техник, математик, дастурий, ташкилий, хуқуқий, услубий, эргономик, психологик ва лингвинистик таъминотдан иборат бўлади.
Ахборот таъминоти – ташкилотда айланиб юрувчи ахборотларни ташкил этиш шакли, жойлаштирилиш ҳажми (ахборотларни таснифлаш ва кодлаш-тириш, ҳужжатларни унификациялаштириш тизими, ахборот оқимларининг ягона тизими) бўйича лойиҳа қарорларининг шунингдек маълумотлар базаси тузилиш услубининг мажмуидир.
Техник таъминот. Техник таъминот – ахборот тизимлари иши учун мўлжал-ланган техник воситалар комплекси, шунингдек, ушбу воситалар ва техно-логик жараёнларга тегишли ҳужжатлардир.
Математик таъминот. Математик таъминот – ахборот тизимларида вазифаларни ҳал этишда фойдаланиладиган ахборотларни қайта ишлаш алгоритми ва моделлари, математик услублари мажмуи.
Дастурий таъминот – бу ахборот тизимларининг мақсад ва вазифаларини амалга ошириш учун дастурлар мажмуи, шунингдек техник воситалар комплексининг меъёрида ишлаб туриши демакдир.
Услубий таъминот ва ташкилий таъминот – ахборот тизимларини ишга тушириш ва ишлатиш жараёнида ахборот тизими ходимларининг техник воситалар билан ва ўзаро таъсирини белгиловчи методлар, воситалар ва ҳужжатлар мажмуидир.
Эргономик таъминот (шароит) – иш жойларига, ахборот моделларига, ходимнинг иш фаолиятига нисбатан турли эргономик талаблардан иборат ҳужжатлар, уларни амалга ошириш усуллари тўпламидир. Мақсад – ходим ишининг юқори самарадорлигини таъминлаш.
Ҳуқуқий таъминот – ахборот тизимларининг ҳуқуқий мақоми ва уни ишга туширишни белгиловчи ҳуқуқий меъёрлар мажмуидир.
Лингивинистик таъминот – ахборот тизимлари ходимлари ва техник, дастурий ва ахборот таъминоти ходимларининг мулоқот тили мажмуи (тил воситаси), шунингдек, ахборот тизимларида фойдаланиладиган атамалар мажмуи киради.
Психологик таъминот – жорий қилинаётган автоматлаштирилган ахборот тизимларини фойдаланувчилар психологик жиҳатдан қабул қилиши ва унга аста-секинлик билан қўникиши ҳисобланади.
Ахборот тизимларининг функционал қисми ахборот тизимларининг вазифа ва топшириқлари бажарилишини таъминлайди.