Саволлар китоби самарқанд 2015 1

20. Кетма-кетлик
12=21 24=82
39=273 416=644
525=?

21. Сана кублари
Офис менежери саналарни кўриб туриш учун икки кубдан фойдаланади. Кубларнинг ҳар бир тарафида биттадан рақам ёзилган. Икки кубни ёнма-ён қўйилганда офис менежерига қараб турган сон ўша кунги санани кўрсатади. Масалан, ойнинг 13-кунида биринчи кубда 1 рақами, иккинчисида 3 рақами бўлади.
Ойнинг ҳар бир кунини ифодалаш учун шу икки кубнинг ҳар бир томонида ёзилган рақамларни топинг.
Еслатма: Саналарни ифодалашда икки кубни ҳам ишлатиш шарт. Яъни 3–санани кўрсатиш учун менежер 03 сонини кўриши керак.
22. Вақт ўлчовчи иплар
Сизнинг қўлингизда икки ип бор. Уларнинг ҳар бири бир соатда ёниб бўлади. Лекин ёниши бир текисда давом этмайди. Яъни ипнинг ярми ярим соатда ёниб битмаслиги мумкин. Шу иплардан фойдаланиб, 45 дақиқани қандай ҳисоблаш мумкин?

23. Ҳаракатчан қуш

Икки ўртоқ бир-бирларидан 36 км узоқликда жойлашишган. Улар велосипедда бир-бирига қараб 6 км/соат тезлик билан ҳаракат бошлашди. Болалардан бирида тўтиқуш бўлиб, улар ҳаракат бошлаганида 18 км/соат тезлик билан иккинчи бола томон учиб боради, у билан учрашиб, яна ортга қайтиб эгаси олдига келади, кейин яна иккинчи бола томон учиб кетади…
Шу зайлда қушча икки ўртоқ учрашгунча бориб-келиб юрса, жами неча км масофани учиб ўтади?

24. Калитлар
Икки қаватли уйнинг иккинчи қаватида электр чироқ ўрнатилган бўлиб, у чироқ пастдаги калит орқали бошқарилади. Пастки қаватда эса 3 та калит бўлиб, улардан бири юқоридаги чироқни ёқади, нариги иккитаси ҳеч қандай вазифа бажармайди.
Қуйидаги шартлар асосида сиз қайси калит юқоридаги чироқни ёқишини аниқлашингиз лозим:
1. Сиз исталган калитни ёқишингиз ёки ўчиришингиз мумкин.
2. Сиз бир марта юқорига чиқишингиз мумкин, фақат чиқиб тушгандан сўнг калитларни ўчириб-ёқиш имкони берилмайди.
3. Сиз турган жойдан чироқни кўра олмайсиз ва ҳеч бир тешикдан чироқ ёруғлиги кўринмайди.

25. Сувда сузиш

Одам қайиқда оқим бўйлаб 3 соатда, оқимга қарши 4 соатда маълум бир масофани босиб ўтади. У турғун сувда шу масофани қанча вақтда босиб ўта олади?