Саволлар жавоблари

Беларусь Республикаси ҳукуматининг ҳаракатига ҳуқуқий баҳо беринг. 1961 йилги Дипломатик алоқалар тўғрисидаги Вена конвенцияси қоидаларини таҳлил қилинг
Казус 45
А давлат Б давлатга нисбатан шикоят билдириб, унда А давлатнинг расмий вакиллари Б давлат ҳудудида бўлиб турганда дипломатик иммунитет билан боғлиқ нормалар бузилган. Б давлатнинг Ташқи ишлар вазирлиги шикоятни рад қилди ва у 1961 йилги Дипломатик алоқалар тўғрисидаги Вена конвенцияси иштирокчиси эмаслигини билдирди ва дипломатик иммунитет билан боғлиқ қоидалар уларга нисбатан тадбиқ этилмаслигини таъкидлади.
Б давлатнинг ҳаракатларига ҳуқуқий баҳо беринг.
Казус 46
1996 йилда БМТ Бош котиби Б. Ғолининг ваколат тугаши билан боғлиқ масала БМТ Хавфсизлик кенгашида муҳокамага сабаб бўлди. АҚШ амалдаги Бош котибнинг янги муддатга сайланишига мутлақо қарши эди, бошқалар, хусусан, Россия буни қўллаб-қувватлади.
Иш шунга етиб бордики, АҚШ Б. Ғоли номзоди бўйича овоз бериш пайтида вето ҳуқуқидан фойдаланишини билдирди. Хитой бўлса бошқа номзоднинг сайланишига нисбатан вето ҳуқуқидан фойдаланишини айтди.
БМТ Бош котибини сайлаш тартиби қандай? БМТ Хавфсизлик кенгаши доимий аъзоларининг вето киритиш ҳуқуқининг юридик мазмунини тавсифланг. Қайси ҳолатларда вето ҳуқуқидан фойдаланиш мумкин?
Казус 47
А давлати ва Б давлати билан ҳукуматлараро ўзаро ҳамкорлик қилиш тўғрисида шартнома имзоланади. Шартномани амал қилиш даврида А давлати томонидан ўз мажбуриятларини тўлиқ бажармаслик ҳолатлари рўй бера бошлайди. Бунга жавобан Б давлати А давлати томонидан бажарилмаётган мажбуриятлар юзасидан зарар келиб чиқаётганлини ва уни қоплаш талаби билан чиқади. Бу ҳол кўп такрорланавергач, Б давлати А давлатига нисбатан Халқаро судга даъво киритади. А давлати эса, ўз важларида ўртада тузилган шартнома бошиданоқ ҳақиқий бўлмаган деб топилиши лозимлиги ва шу асосда томонлар мажбуриятлардан озод қилиниши лозимлигини келтиради. Сабаби Б давлатининг ҳуқуқий режими демократия талабларига жавоб бермайди ва бу жиҳат давлатнинг шартнома лаёқатига эга эмаслигига олиб келишини важ қилади.