Саволлар: Хорижий инвестициялар деганда нимани тушунасиз ва уларни иқтисодиётни ривожлантиришда аҳамияти қандай? Ўтиш иқтисодиёти давлатларида эркин иқтисодий ҳудудларни ташкил этишнинг ўзига хос хусусиятлари ҳақида айтиб беринг?

Саволлар:

1. 
   Хорижий инвестициялар деганда нимани тушунасиз ва уларни иқтисодиётни ривожлантиришда аҳамияти қандай?
   
2. 
   Ўтиш иқтисодиёти давлатларида эркин иқтисодий ҳудудларни ташкил этишнинг ўзига хос хусусиятлари ҳақида айтиб беринг?
   
3. 
   Халқаро молиявий институтлар томонидан молиялаштирилган инвестиция лойиҳаларининг иқтисодий самарадорлиги қандай баҳоланади?
   

Жавоблар:
1.Бир давлатдан бошқа давлатга даромад олиш учун йуналтирилган ҳар қандай шаклдаги мулкни тўла қонли хорижий инвестиция дейишимиз мумкин.
Аммо шундай мулк шакллари борки, биз уларни хорижий инвестиция дея олмаймиз. Масалан, элчихона чет давлат мулки хисобланади, ёки хорижий фуқаро шахсий уй сотиб олса бу хорижий шахс мулки хисобланади, лекин хорижий инвестиция бўла олмайди.
Хорижий инвестициялар - бу чет эл инвесторлари томонидан юқори даражада даромад олиш, самарага эришиш мақсадида мутлоқ бошқа давлат иқтисодиётининг, тадбиркорлик ва бошқа фаолиятларига сафарбар этадиган барча мулкий, молиявий, интеллектуал бойликларидир. Хорижий инвестициялари ички инвестициялардан фарқли ҳолда ташқи молиялаштириш манбаига киради. Хорижий инвестицияларнинг ички инвестициялардан фарқи шундаки, уларда инвестор бошқа мамлакат фуқароси булади. Иқтисодий мазмунига кўра хорижий инвестициялар ссуда капитали (яъни қарз ва кредит), хамда бевосита ва портфель инвестицияларга булинади. Инвестициялар нимага йуналтирилганлиги улар кайси хорижий инвестиция турига киришини белгилайди.
«Инвестиция» атамаси лотин тилидаги «invest» сўзидан келиб чиққан бўлиб «қўйиш», «маблағни сафарбар этиш», «капитал қўйилмаси» маъносини беради. Кенг маънода инвестиция маблағни кўпайтириб ва қайтариб олиш мақсадида капитални сафарбар этишни билдиради. Кўпгина ҳолларда «инвестиция» тушунчаси иқтисодий ва бошқа фаолият объектларига киритиладиган моддий ва номоддий неъматлар ҳамда уларга доир ҳуқуқлар тарзида таърифланади. Инвестиция деганда барча турдаги миллий ва интелектуал бойликлар тушунилиб, улар тадбиркорлик фаолияти объектларига йўналтирилиб даромад келтириши ёки бирор-бир ижобий самарага эришиши зарур. Инвестиция киритишдан асосий мақсад даромад олиш ва ижобий ижтимоий самарага эришишдир.

Хорижий мамлакатларнинг тажрибаси ва инвестиция тўғрисида ўзимизда қабул қилинган қонунларнинг таҳлилидан келиб чиқиб, инвестициянинг шартли равишда учта турини ажратиш мумкин:

• молиявий инвестициялар;

  
  

• моддий инвестициялар;

  
  

• ақлий (интеллектуал) инвестициялар.