Sapar Xojaniyazov(1910–1983)

Bazarbay Nazarımbetov. Teatr ónerinde ayrıqsha orınǵa iye, túrli janrdaǵı obrazlardı sheberlik penen atqarıp, óziniń talantın tamashagóylerge inám etip, xalıqtıń alǵısına iye bolǵan belgili aktyor, Qaraqalpaqstan Respublikasına xızmet kórsetken artist B.Nazarımbetov 1961-jılı 15-oktyabr kúni Nókis qalasında tuwıladı.
B.Nazarımbetov óz dóretiwshilik iskerligi dawamında 50 den artıq túrli xarakterdegi rollerdi atqarıp kelmekte. «Ómirbek hám Tazsha»daǵı Tauasar bay, «Bes kúnlik dúnya»daǵı Nurqılısh, «Sharyar»daǵı Sharyar, «Urısqa nálet»tegi Baymurat, «Laqqılar emlewxanada»ǵı bas vrach, «Payǵambar jasındaǵı kúyew»degi Rametulla, «Jabayı gúller»degi Baynazar, «Jıǵılǵanǵa judurıq»taǵı Timur, «Sahibqıran»daǵı Xafız Sheraziy, «Súymegenge súykenbe»degi Áwez, «Bizler de ashıq bolǵanbız»daǵı Dáwken, «Eń sulıw kelinshek»degi Altay, «Ádalatqa qıyanet»tegi Júz bası, «Ójetler»degi Qalmurat, «Alpamıs»taǵı Tayshıxan, «Perzent táshwishin»degi Timur sıyaqlı obrazları arqalı tamashagóyler kewilinen jay alıp, óziniń talantı hám professionallıǵı menen qánigeler itibarına tústi.
B.Nazarımbetov aktyorlıq penen bir qatarda spektakllerdi de saxnalastırıp, xalqımızǵa inám etip kelmekte.«Bes kúnlik dúnya», «Óner úyrengen bala» shıǵarmaların saxnalastırıp aktyor sıpatında ózi de qatnastı.
Ol óziniń dóretiwshiliginde kino janrında da orın tawadı. «Qaraqalpaqfilm» kinostudiyasında súwretke alınǵan bir neshe filmlerde qatnasıp hám bas qaharman rollerin oynap, bul janrda da óziniń talantın kórsetedi. «Urı», «Qońsılar», «Tank», «Juwapkershiligi sheklengen jigitler», «Margiya» fil`mlerinde hár qıylı xarakterdegi rollerdi atqarǵan.
Ol Respublikamızda ótkeriletuǵın bárshe mádeniy keshelerde, Ǵárezsizlik bayramına, Nawrız ulıwma xalıqlıq bayramına, konstituciya qabıl etilgen kúnge arnalǵan barlıq bayram keshelerinde, sonday-aq 2000-jıl Tashkent qalasında ótkizilgen Qaraqalpaqstan Respublikası mádeniyat hám kórkem óner kúnlerinde, 2011-jılı Xorezm walayatında ótkizilgen Qaraqalpaqstan Respublikası mádeniyat hám kórkem óner kúnlerinde belsene qatnasqan.
2009-jılı Mısr Arab Respublikasında ótkerilgen XXI xalıq aralıq eksperemintal teatrlar festivalında teatr jámááti menen qatnasıp, S.Balǵabaevtıń «Eń sulıw kelinshek» spektaklindegi Altay rolin atqardı.
2013-jılı Tashkent qalasında ótkizilgen teatr jámááti menen gastrol` saparında “Alpamıs”, “Intilganga tole yor”, “Kelin” spektakllerinde óz roller menen qatnasadı. Usı jılı “Sizni kuylaymiz zamondash” dep atalgán Respublika teatrlarınıń II-festivalında Q.Narqabıldıń “Nur sayada qalmaydı” spektaklinde mektep direktorı rolin atqardı.