Saodat sadirova

KONSERVALASHNING FIZIK- KIMYO VIY ASOSLARI VA
KONSERVALASH USULLARI
7.1. CHARM, MO'YNA XOMASHYOSI VA OSH TUZINING MIKROFLORASI
Hayvonlar terisining sirtiga mikroorganizmlar suvdan, havodan, tuproqdan, go'ngdan, terilarning har xil predmetlarga, inventarlarga. omborxona devorlariga tegib turishidan o'tadi. Yangi shilingan 1 sm² teri sirtida o'rtacha 200-300 mln mikroblar bo'ladi.
Yangi shilingan terilarda uchraydigan mikrorganizmlardan o'ziga xos xarakterli guruhlarni ajratish mumkin.
Proteus gnruhi - kuchli proteolitik qobiliyatga ega bo'lgan sporasiz harakatchan tayoqchalardir. Ushbu guruh mikroblari oqsillarni oxirgi bosqichgacha parchalaydi.
Koli guruhi - ichak mikroflorasining vakili bo'lib, teriga go'ngdan tushadi. Bu guruh mikroblari harakatchan va harakatsiz qisqa gramosalbiy tayoqchalardan tashkil topgan bo'lib, peptonlarni aminokislotalargacha parchalab, indolalarning hosil bo'lishiga olib keladi.
Spora hosil qiluvchilar guruhi - sporalar hosil qiluvchi harakatchan tayoqchalardan tashkil topgan bo'lib, yuqori chidamliligi bilan ajralib turadi.
Ushbu guruh proteolitik xossalarga ega bo'lib, oqsillarni oxirgi bosqichgacha parchalaydi.
Kokklar guruhi - odatda, boshqa mikroblarga nisbatan kamroq miqdorda uchraydi. Bu guruhga mikrokokklar va sartsinalar kiradi. Ulardan ko'p qismi turli xil pigmentlar (sariq, jigar, qizil, oq va boshqa) ishlab chiqaradi. Kokklar qisman parchalangan oqsillarning bo'linishiga olib keladi.
Flyuorestsirlar guruhi - kokklar guruhi kabi, boshqa mikroblarga nisbatan terida kam miqdorda uchraydi. Mikroblar teriga, asosan, suvdan o'tadi. Ular tayoqchalardan tashkil topgan bo'lib, yog'larning parchalanishiga olib keladi. Ushbu guruh mikroorganizmlarining ko'p
190
qismi psixrofillar (nisbatan past haror_atda yashab, rivojlanadigan organizmlar) hisoblanadi.
Yuqorida ko'rsatilgan guruhlarning mik;roblari aeroblar (atmosferadagi kislorod hisobiga yashovchi organizmlar) hisoblanadi. Bundan tashqari terida anayerob, shuningdek, mog'orlar vtchraydi.