Sanoatni milliy iqtisodiyotda tutgan o‘rnini statistik ma’lumotlar asosida tahlil qiling

1. Elektrenergetika
Саноат тараққиётида ёқилғи — энергетика мажмуасининг ўрни алоҳида. Унинг таркибига энергетика, нефть ва нефтни кайта ишлаш, газ ва газ конденсати, кўмир қазиб олиш ва бошқа бир қатор кичик соҳалар киради. Бу мажмуанинг ҳиссаси саноат ишлаб чиқаришда 23,8%ни ташкил этади. Узбекистон Республикаси жаҳонда газ ишлаб чиқарувчи 10 та мамлакатдан биридир. Бу ерда қудратли иссиклик электростанциялари ва гидроэлектростанциялар мавжуд.
Энергетика тармоги республика халқ хўжалигининг негизи, иқтисодиёт ва фан-техника тарақкиётининг мустаҳкам пойдевори хисобланади. Узбекистон энергетика тизими умумий куввати 12,5 млн. МВт бўлган 37 иссиқлик ва гидравлик электростанцияларни ўз ичига олган. Улар йилига 50 млрд. кВт/соат дан ортиқ электр энергияси ишлаб чикариш имкониятига эга. Узбекистон энергетика тизимининг барча кучланишлардаги электр тармоклари умумий узунлиги карийб 300 минг км.ни ташкил этади. Тармоқ трансформаторларининг умумий куввати 42,6 МВт га тенг. Ҳозир республика энергетика тизимида 45 минга якин ходим ишлайди.
2. Yonilgi sanoati
Ёқилғи саноати. Республика ёкилги саноати ер қаърида топилган ва қазиб олинаётган кумир, нефть, газ конлари негизида шаклланган ва ривожланиб бормокда. Республикада 160 га якин нефть ва газ конлари очилган, уларнинг 115 таси Бухоро ва Хива геологик провинкиясида, 27 таси Фарғона водийси, 10 таси Сурхондарё, 7 таси Устюртда жойлашган. Ҳозир 71 та нефть, газ ва газ конденсат, 2 та кумир конидан фойдаланилмокда. 50 дан ортиқ нефть, газ ва газ k онденсат кони эса келажакда ишга тушириш учун тайёрлаб қўйилган
Еқилғи саноати республика ёқилғи-энергетика мажмуасининг асосий
тармоғини ташкил этади ва барча турдаги ёқилғини қазиб олиш, табиий газни тозалаш ва етказиб бериш, нефть маҳсулотларини қайта ишлаш корхоналаридан иборат. Улар халқ хўжалигининг барча бўғинларида хизмат кўрсатади. Ёқилғи саноатининг йирик корхоналари Тошкент, Фарғона, Бухоро, Қашқадарё, Сурхондарё вилоятларида жойлашган.
3. Kora metallurgiya
Қора металлургия соҳасида фаолият кўрсатадиган ягона корхона Бекобод шахридаги Узбекистон металлургия заводидир. Унда қора металлургия маҳсулотларининг энг мухим турлари (пўлат ва пўлат прокатлар) ишлаб чиқарилади. Улар темир - терсак, металл чиқиндиларидан олинади.