Sanoat ishlab chiqarishni tashkil etish

Oddiy bannerlar (banner ad)

Bir paytlar reklamaning ommabop shakli bo’lgan oddiy bannerlar asta-sekin o’z samaradorligini yo’qotmoqdalar. Insonlar ularga tez o’rganib koladilar va e’tibor bermay qo’yadilar. Bannerlar ulchamlari turlicha bo’lishi mumkin, bunda standartlar yo’q. Yana bir masala – bannerlar miqdori. Bir tomondan, saytda reklamani ko’paytirish saxifani ko’rishdan daromadni oshiradi, ikkinchi tomondan esa, reklamaning xaddan ziyod ko’pligi tashrif buyuruvchilarning bir qismini saytdan umuman ketib qolishlariga sabab bo’lishi mumkin.

Kengayuvchi bannerlar ( pull-down banner ads)

Tajribadan ma’lumki, reklama asosiy matnni berkitmaguncha, uning samaradorligi yuqori emas. Kengayuvchi bannerlarda sichkoncha tugmachasi bosilgach, banner yoyilib, bir necha soniya davomida ekranning ko’p qismini egallab turadi va bundan so’ng oddiy banner ulchamlariga qaytadi.

Suzib chiquvchi oynalar (pop-up va pop-under)

Web reklamaning eng sur, ya’ni sizni gashingizga tegadigan shakli - bu o’z oynasida paydo buluvchi suzib chiquvchi oynalardir. Pop-up oynalari o’zi bilan asosiy matnni butunlay berkitib qo’yadi va uni o’qish uchun pop-up oynalarini chetga surish yoki yopish zarur. Pop-under oynalari esa asosiy matnning tagida ochiladi.

Pop-up reklama foydalanuvchilarni chalgitadi, asabiga tegadi, lekin oddiy bannerlarga nisbatan samaraliroqdir.
Suzib yuruvchi reklama (floating ad)
Bunday reklama elementi saxifaga birinchi murojaat qilganda paydo bo’ladi va keyin 5-30 sek. davomida unda «suzib» yuradi. Ekran bo’ylab sayoxat qilayotib reklama asosiy matnni yopib qo’yadi, ba’zi bir floating ads lar esa ko’rsatuv davomida sichkonchani blokirovka qilib qo’yadilar.
Redirekt - reklama (redirekt - reklama)
Bunda foydalanuvchi murojaat qilgan sayt tugatilgan bo’lsa, bunday sayt mavjud emasligi haqida tushuntirish bilan birga o’rniga boshqa sayt reklama qilinadi.