Sanoat ishlab chiqarishni tashkil etish

16-rasm. Saytga kirishni shakllantirishning asosiy mezonlari.
2. Saytni Web orqali reklama qilish.

Internetda reklamani tashkil etishning bir qator maxsus texnologiyalari mavjud. Lekin har qanday relama kampaniyasi ushbu firmaning o’ziga xos tomonlari va potentsial haridorlarini aniqlashga qaratilgan marketing tadqiqotlaridan boshlanadi. Bu esa, o’z navbatida, reklamaning maqbul usullarini tanlash imkonini beradi.

Aytish kerakki, kompaniyaning domen nomini tanlash muxim ahamiyatga ega. To’g’ri tanlangan nom tashrif buyuruvchilar sonini ko’paytirish imkonini beradi. Nom tanlangandan so’ng uni o’zgartirish qiyin. Ideal domen nomi potentsial foydalanuvchilarga qidiruv tizimlarisiz Web-saytni topish imkonini beradi. Domen nomlari yodda koladigan bo’lishlari va kompaniyaning faoliyat turiga mos kelishlari zarur, bu ularni reklama qilishni osonlashtiradi. Domen nomi savdo markasi va brend bilan bog’liqdir.


Kontekstli reklama.
Saytning kontekstli reklamasi- bu qidiruv tizimlarida berilgan tayanch so’zlar va iboralarga javoban beriladigan matnli xabarlardir. Kontekstli reklama e’lonlarni ma’lum omillarga qarab tanlangan maqsadli auditoriyalarga ko’rsatish sharti bilan tayyorlanishi mumkin. Masalan, reklama e’lonlari alohida xududda yashaydigan yoki Web resurslarga ma’lum vaqtda murojaat qiladigan auditoriyaga ko’rsatilishi mumkin. Marketing jixatlarini shunday tanlash mumkinki, reklama e’lonlari ular qiziqarli bo’lishi mumkin bo’lgan foydalanuvchilargagina ko’rsatiladi. Bu narsa jalb qilingan tashrif buyuruvchilar kompaniya mijozlari bo’lishi extimolligini oshiradi.


Reklamani pullik kataloglarda joylashtirish.

E’lonlarni ommabop kataloglarda pullik joylashtirish saytga maqsadli tashrif buyuruvchilarning barqaror oqimni ta’minlashi mumkin. Ular sizning saytingizga tashrif buyurishdan bevosita manfaatdor bo’ladi.

Bannerli reklama.
Tarmoqda mazmuni sizning saytingizga o’xshash ko’plab resurslar mavjud, shuning uchun maqsadli auditoriyaning ma’lum qismini sizning saytingizga o’tkazish uchun saytingiz to’g’risida ma’lumotni shunday resurslarga joylashtirish mumkin. Tashrif buyuruvchilarni saytingizga o’tkazish mexanizmlaridan biri – bu bannerli reklamadir. Banner- - bu kichik (animatsiyalashtirilgan yoki statik) rasm bo’lib, foydalanuvchi unga keltirib sichkoncha tugmachasini bosib joriy saytdan reklama qilinayotgan saytga o’tishi mumkin.