Sanoat ishlab chiqarishini tashkil etish

Ishonchli boshqarish shartnomasi uni uzaytirish imkoniyati bilan birga bir yil muddatga tuziladi va quyidagilarni nazarda tutishi kerak:

• 
  tomonlarning nomi;
  
• 
  shartnoma mavzusi, davlat aktivlari ro‘yxati va tavsifi;
  
• 
  shartnomaning amal qilish muddati va uni uzaytirish imkoniyati;
  
• 
  davlatga tegishli aksiyalar paketlarini berish tartibi;
  
• 
  tomonlarning huquq va majburiyatlari;
  
• 
  ishonchli boshqaruvchilar tomonidan hisobotlar taqdim etilishi muddatlari;
  
• 
  ishonchli boshqaruvga berilgan aksiyalarni begonalashtirish shartlari;
  
• 
  ishonchli boshqaruvchini taqdirlash miqdori va shakli;
  
• 
  ishonchli boshqaruv to‘xatilgan taqdirda davlat aktivlarini oladigan shaxs;
  
• 
  tomonlarning javobgarligi;
  
• 
  shartnoma amal qilishini to‘xtatish uchun asoslar va shartlar;
  
• 
  investitsiya aktivlarini ishonchli boshqaruvchi faoliyatiga cheklovlar (davlat aktivlari investitsiya aktivlarini ishonchli boshqaruvchiga berilgan taqdirda);
  
• 
  qonun hujjatlariga zid bo‘lmagan boshqa qoidalar.
  

Ishonchli boshqaruvchiga - yuridik shaxsga ishonchli boshqaruvga berilgan davlat aktivlari qiymati nominal qiymati bo‘yicha uning balansdan tashqari hisob raqamlarida hisobga olinadi.
O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markazi davlatga tegishli aksiyalar paketlari ishonchli boshqaruvga berilishiga shartnoma tuzilgan kundan boshlab 3 ish kunidan kechikmay bu haqda Davlat qimmatli qog‘ozlar markaziy depozitariysini xabardor qiladi.
Davlat qimmatli qog‘ozlar markaziy depozitariysi ikki ish kuni mobaynida:

• 
  ishonchli boshqaruvga berilgan davlatga tegishli aksiyalar paketlari O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markazining "depo" hisob raqamida ishonchli boshqarish huquqini olgan shaxsning subhisob raqamiga o‘tkazilishini;
  
• 
  uning ishonchli boshqaruv huquqini olgan shaxs tomonidan tasarruf etilishi imkoniyatini istisno etadigan ko‘rsatib o‘tilgan aksiyalar paketlarini blokirovka qilishni amalga oshiradi.
  

Ishonchli boshqaruvga berilgan davlatga tegishli aksiyalar paketlarini saqlash va ularning "depo" hisob raqamiga o‘tkazilishi bo‘yicha Davlat qimmatli qog‘ozlar markaziy depozitariy xizmatlariga O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markazi tomonidan davlat tasarrufidan chiqarish va xususiylashtirishdan tushadigan umumiy mablag‘lardan haq to‘lanadi.
Davlat aktivlarini ishonchli boshqaruvchi (agar yuridik shaxs - uning vakili bo‘lsa) xo‘jalik jamiyati kuzatuvchi kengashining a’zosi hisoblanadi (agar kuzatuvchi kengashni tashkil etish qonun hujjatlarida yoki ustavda nazarda tutilgan bo‘lsa), xo‘jalik jamiyati qatnashchilarining umumiy yig‘ilishi tomonidan saylanmaydi (qayta saylanmaydi).