Sanoat ishlab chiqarishini tashkil etish

Korporatsiyalar strategiyasi quyidagilarga javob berishi lozim:

• 
  korxona raqobatbardoshligining joriy holati qanday ekanligi;
  
• 
  korxona raqobotchilariga nisbatan nimasi bilan ustunliklarga ega ekanligi;
  
• 
  korxonaning asosiy ustunligi nimalardan iboratligi.
  

SHunday qilib, korporativ strategiyaning asosiy roli bu — birlashgan holdagi boshqaruvni mijozlar talabini raqobatchilarga nisbatan sifatliroq amalga oshirishga qaratish hisoblanadi. Korporativ boshqaruv sharoitida strategiyaning tuzilishi — boshqaruvchi va vaqtinchalik boshliq vazifasini bajaruvchilarga, o‘rta bo‘g‘in boshqaruvchilar hamda ishchilar o‘rtasida strategiyani tatbiq etishdan iborat bo‘lgan qismi kiradi.
Korporativ strategiya sharoitida biznes muhiti doimiy o‘zgarishda bo‘ladi. CHunki, korporativ strategiyani samarali qo‘llanilishi korporatsiya biznesini o‘zgarishiga olib keladi. Biznes muhitning o‘zgarishi quyidagilarga olib keladi:

• 
  markazlashuvni yo‘qolishi;
  
• 
  biznes muhitning beqarorligi va uning globallashuvi;
  
• 
  texnologiyalarning tez o‘zgarishi;
  
• 
  jamoatchilikning xulqqa va poraxo‘rlikka qarshi katta e’tibori (masalan, «Korporativ ijtimoiy mas’uliyat haqida ming yillikning jamoatchilik fikri» so‘rovi natijalari);
  
• 
  mehnat kuchi va bozorlarning xilma-xilligi;
  
• 
  ommaviy axborot vositalarining izlanishlari.
  

Bu sohadagi ayrim joriy masalalar o‘z ichiga quyidagilarni qamrab oladi:

• 
  o‘z maqsadlari bo‘yicha ishlatilmayotgan mablag‘lar;
  
• 
  qonunlarning amaliyotga nomuvofiqligi;
  
• 
  poraxo‘rlik vaziyati, juda past tadbirkorlik faoliyati;
  
• 
  aksiyadorning faolligi — Kuzatuv kengashi, kompaniya rahbariyati hisob berib turishi lozim;
  
• 
  sifat va unumdorlikka xodimning munosabati. «SHaxsiy fikr va guruh yoki rahbariyat fikriga ergashish».