Sanoat ishlab chiqarishini tashkil etish

Talabalar ilmiy foliyati nizomi

Talabalarining ilmiy-tadqiqot faoliyatini tashkil etish tartibi to`g`risidagi

N I Z O M

I. Umumiy qoidalar

1. Mazkur Nizom O`zbekiston Respublikasining “Ta’lim to`g`risidagi” va “Kadrlar tayyorlash Milliy dasturi to`g`risida”gi qonunlariga, O`zbekiston Respublikasi Prezidentining “Oliy ta`lim tizimini yanada rivojlantirish chora-tadbirlari to`g`risida”gi 2017 yil 20 apreldagi PQ-2909-sonli, 2018 yil 25 oktyabrdagi “Xorijda istiqomat qilayotgan vatandoshlar bilan hamkorlik sohasida O`zbekiston Respublikasi davlat siyosatini yanada takomillashtirish chora-tadbirlari to`g`risida”gi PQ-3982-sonli qarorlari, Mirzo Ulug`bek nomidagi O`zbekiston Milliy instituti ustaviga muvofiq, O`zbekiston Milliy instituti (keyingi o`rinlarda – Institut) talabalarining ilmiy-tadqiqot faoliyatini tashkil etish tartibini belgilaydi. 

2. Talabalarning ilmiy-tadqiqot ishlari Institutning malakali kadrlar yetishtirish yo`nalishidagi faoliyatida  bo`lajak mutaxassislarning sohaga oid masalalarni ilmiy va amaliy jihatdan hal qilish ko`nikmalarini shakllantirish maqsadida tashkil qilinadi.  

3. Talabalarning ilmiy-tadqiqot faoliyati ta`lim tizimining  zamonaviy talablari hamda ko`p yillik tajribaga tayangan holda tashkil qilinadi. Bunda talabalarning tegishli fan sohalari bo`yicha milliy va xorijiy tajriba, shuningdek, mavjud ilmiy-nazariy manbalar bilan tanishishi va ulardan foydalanishiga yaqindan ko`mak beriladi.