Санжар отахонов

ДАЪВО АРИЗА 
кредит ва гаров шартномасини бекор қилиш ва 12 761 323 сўм ундириш тўғрисида 
“Яйпан” кредит уюшмаси билан Камолова Сарвиноз Қамбаровна ўртасида 
2009 йил 21 январда 21/01-к сонли кредит шартномаси тузилган. 
Мазкур шартноманинг 1.1.- бандига асосан даъвогар – “Яйпан” кредит 
уюшмаси жавобгар – Камолова Сарвиноз Қамбаровнага 12 ой муддатга 
7 350 000 сўм миқдорида кредит берган. 
Шартноманинг 2.3.1.- бандига асосан жавобгар ҳар ойнинг 30 кунига қадар 
кредит бўйича фоизларни тўлаб бориш мажбуриятини олган. Лекин шратнома 
шартларига зид равишда жавобгар томонидан шартнома шартлари лозим 
даражада бажарилмасдан келинмоқда. 
Шу кунга қадар жавобгар шартнома мажбуриятини бажармаган, яъни 
кредит бўйича асосий қарзни 168 750 сўмини тўлаган, фоиз бўйича тўловларни 
амалга оширмаган. 
Ҳозирги кунда жавобгарнинг 7 181 250 сўм асосий қарзи ҳамда 1 567 906 
сўм фоиз бўйича қарзлари мавжуд. Кредит шартномасининг 3.1-бандига асосан 
жавобгар сўндирилмаган кредит бўйича фоиз ва асосий қарзнинг умумий 
суммасини 0,3% миқдорида пеня тўлаши белгиланган. Унга кўра пеня миқдори 
3 767 170 сўмни ташкил этади. 
Жами қарзлар миқдори 12 516 326 сўмни ташкил қилади. 
Шунингдек даъвогар жавобгардан мазкур кредит бўйича қарздорликни 
ундириш учун адвокатлик фирмасига юридик ёрдам учун 150 000 сўм пул 
маблағи тўлаб берган. 
Бундан ташқари, кредит таъминоти сифатида 2009 йил 21 
январда гаров шартномаси имзоланган бўлиб, ушбу гаров шартномасига асосан

---

519 
Камолова Сарвиноз Қамбаровна номидаги давлат рақами 11 О 8891 ГБА 
ДАМАС СНГ автомашинаси олинган кредит маблағига гаров сифатида 
қўйилган. 
Гаров шартномасининг 2 ва 8-бандларига асосан гаров объекти кредит 
шартномасидан келиб чиқувчи барча қарзларни, фоизларни, пеняларни ва 
зарарларни қоплашга йўналтирилиши белгиланган. 
Юқоридаги 21/01-к сонли кредит шартномасининг 5.5.ва 5.6-бандларига 
кўра, шартнома ижроси юзасидан келиб чиқадиган барча низолар, 
келишмовчиликлар 
Ўзбекистон 
Республикаси 
Савдо-саноат 
палатаси 
ҳузуридаги Ҳакамлик судида судья Нодир Юлдашев томонидан якка тартибда 
кўриб чиқилиши белгиланган. 
Юқоридагиларга ҳамда Ўзбекистон Республикаси Фуқаролик кодексининг 
234,279,280,283,324,325,340,382,384,385-моддаларига, 
“Хўжалик юритувчи 
субъектлар фаолиятининг шартномавий-ҳуқуқий базаси тўғрисида”ги 
Қонунига, “Ҳакамлик судлари тўғрисида”ги қонунга асосан 
СЎРАЙМИЗ 
1. Мазкур даъво аризасини иш юритувингизга қабул қилишингизни; 
2. 2009 йил 21 январда тузилган 21/01-к-сонли кредит шартномаси ва 2009 
йил 21 январда тузилган 21/01-г-сонли гаров шартномасини бекор 
қилишингизни; 
3. Жавобгардан 7 181 250 сўм асосий қарз, 1 567 906 сўм фоиз, 3 767 170 
сўм пеня ва 150 000 сўм зарар ҳамда 94 997 сўм ҳакамлик йиғими 
харажатларини ундиришингизни; 
4. Ундирувни гаровга қўйилган давлат белгиси 11 О 8891 ГБА ДАМАС 
СНГ автомашинасига қаратишингизни; 
5. Ҳакамлик йиғимини жавобгар зиммасига юклашингизни. 
Илова: 
1. Ҳакамлик йиғими тўланганлигини тасдиқловчи ҳужжат (тўлов 
топшириқномаси). 
2. 2009 йил 21 январдаги 21/01-к сонли кредит шартномаси нусхаси. 
3. 2009 йил 21 январда 21/01-г-сонли гаров шартномаси нусхаси. 
4. Қарзни сўндириш графиги. 
5. Қарздорликни тасдиқловчи банк ҳужжати. 
6. Жавобгарнинг паспорт нусхалари. 
7. Адвокатлик шартномаси нусхаси ва тўлов топшириқномаси. 
8. Гаровга қўйилган автомашинанинг техпаспорти нусхаси.