Sana: Sinf: 6 a mavzu: O‘simlik yaxlit organizm dars maqsadi: Ta’limiy

Aim.Uz

Sana: _______ Sinf: 6 ^A
Mavzu: O‘SIMLIK - YAXLIT ORGANIZM
Dars maqsadi:
Ta’limiy: O‘simlik - yaxlit organizm ekanligi haqida bilimlarini orqali boyitish va mustahkamlash.
Tarbiyaviy: O’quvchilarni avvalo Vatanga muhabbat ruhida yurtga sadoqat ruhida tarbiyalash. Bundan tashqari O’zbekistonday vatanda yashayotganiga shukronalar keltirish bilan birga shunday sharoit yaratib berayotgan Prezidentimizga xamdu-sanolar keltirish bilan o’quvchilar qalbida muhabbat tuyg’ularini uyg’otish ruhida tarbiyalash.
Rivojlantiruvchi: Mavzuni darslik, qo’shimcha adabiyotlar, standart va qo’lda chizilgan tablitsalar, tarqatmali materiallardan foydalanib mukammal takrorlash orqali o’quvchilar bilim, malaka va ko’nikmalarini rivojlantirish hamda ular dunyoqarashini yanada oshirish.
O‘quvchilarda shakllantiriladigan tayanch kompetensiyalar elementlari: Kommunikativ kompetensiya, Axborotlar bilan ishlash kompetensiyasi, O‘zini o‘zi rivojlantirish kompetensiyasi, Ijtimoiy faol fuqarolik kompetensiyasi, Milliy va umummadaniy kompetensiya, Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi.
O‘quvchilarda shakllangan fanga oid kompetensiya elementlari: Biologik obyekt, hodisa, jarayonlarni tushunish, tanish, izohlash kompetensiyasi, Biologik obyekt, hodisa, jarayonlar ustida kuzatish va tajribalarni o‘tkazish kompetensiyasi, Sog‘lom turmush tarzi va ekologik kompetensiya.
Dars turi: noan’anaviy, muammoli
Dars uslubi: joriy, baxs-munozara, savollarga javoblar
Dars jihozi: darslik, qo’shimcha adabiyotlar, standart va qo’lda chizilgan tablitsalar tarqatmali materiallar.
Tashkiliy qism: o’quvchilar bilan salomlashish, o’quvchilar davomatini aniqlash, navbatchilar ishini nazorat qilish.
Yangi mavzu bayoni.
Yer yuzidagi yashil o‘simliklar qancha ko‘p va xilma-xil bo‘lmasin, ular orasida juda katta umumiylik va o‘xshashlik bor. Bu umumiylik, birinchi navbatda, o‘simlik organlarning hujayralardan tuzilganligidir.
O‘simliklarda tuzilishi o‘xshash va muayyan bir xil vazifani bajaradigan hujayralar yig‘ilib, to‘qima hosil qiladi. O‘simliklar esa organlardan tashkil topgan. Ildiz, poya, barg, gul va mevalar uning asosiy organlari hisoblanadi. O‘simliklarning organlari bir-biri bilan mustahkam bog‘langan. Agar bir organ ishdan chiqsa, qolganlarining ham faoliyati buziladi. O‘simlik tirik organizm, u oziqlanadi, nafas oladi, o‘sadi, gullab, meva beradi, ko‘payadi. Bir organda hosil bo‘lgan moddalar boshqa organlarga o‘tib, ularning o‘sishi va rivojlanishi uchun sarflanadi. Masalan, bargda fotosintez jarayonida hosil bo‘lgan oziq moddalardan o‘simliklarning boshqa barcha organlari foydalanadi. Yoki ildiz orqali tuproqdan olinadigan suv va unda erigan mineral moddalar o‘simliklarning har bir hujayrasigacha yetib boradi. Organlardagi umumiylikni ifodalash uchun g‘o‘za misolida ayrim organlarning ishi bilan tanishib chiqamiz.
Mustahkamlash:
1. O‘simliklardagi umumiylik nimalardan iborat?
2. O‘simlik nima uchun yaxlit organizm deyiladi?
3. O‘simlik organlarining o‘zaro bog‘liqligini qanday tushunasiz?
4. Cho‘l o‘simliklari qurg‘oqchilikka qanday moslashgan?
Rag’bat. Dars davomida faol ishtirok etgan, savollarga to’liq javob bergan, uy vazifalarini to’liq bajargan o’quvchilarni reyting tizimi asosida baholash.
Uyga vazifa. Mavzuni takrorlash va yana bir bora esga solish. 36-§ o’qish


O’quv ishlari bo’yicha direktor o’rinbosari _________ M.Anorova


O’qituvchi: Pulatov S.