Sana: Mavzu: «Boychechak». Darsning maqsadi

«Bu meniki»o‘yini
O‘quvchilarga «ertak», «topishmoq», «maqol», «rivoyat», «tez aytish», «latifa», «afsona», «xalq qo‘shiqlari» kabi so‘zlar yozilgan kartochkalar tarqatiladi.

• 
  Aziz o‘quvchilar, hozir siz audio tasma orqali xalq og‘zaki ijodi janrlariga oid ta’riflarni eshitasiz. Qaysi o‘quvchi qo‘lidagi so‘zga oid ta’rifni eshitsa, darhol «bu meniki» deb javob berishi lozim bo‘ladi.
  

Masalan:
- Avloddan-avlodga o‘tib kelayotgan, voqea va hodisalarni, inson faoliyatini ba’zan uydirmalar vositasida, ba’zan real tasvirlovchi og‘zaki hikoya.
- Bu meniki. (Rivoyat)
- To‘qima va uydirmaga asoslangan, sehrli-sarguzasht va maishiy mazmundagi badiiy asar.
- Bu meniki. (Ertak)
- Topilishi kerak bo‘lgan narsa, hodisa va shu kabilarning ramz va o‘xshatmalar orqali ifodalangan qisqa tavsifi.
- Bu meniki. (Topishmoq)
- Yanglishib ketish mumkin bo‘lgan, qofiyadosh, o‘xshash so‘zlarning jumlalarini adashmay, tez talaffuz qilish.
- Bu meniki. (Tez aytish)
- Hayotiy tajriba asosida xalq tomonidan yaratilgan, odatda pand-nasihat mazmuniga ega bo‘lgan ixcham, obrazli, tugal ma’noli va hikmatli ibora.
- Bu meniki. (Maqol)
- Kulgili voqe-hodisa haqidagi kichik hikoya.
- Bu meniki. (Latifa)
- Avloddan-avlodga, og‘izdan-og‘izga o‘tib kelgan uydirma, to‘qimadan iborat, ba’zan diniy mazmundagi hikoya.
- Bu meniki. (Afsona)
- Xalq dardi, istak-xohishi, orzu-umidlari ifodalangan qo‘shiqlar.
- Bu meniki. (Xalq qo‘shiqlari)
- Barakalla bolajonlar, bugun biz sizlar bilan xalaq og‘zaki ijodi namunalaridan biri bo‘lgan «Boychechak» she’ri bilan tanishamiz.
O‘qituvchi o‘quvchilarga she’rni ifodali o‘qib beradi.
O‘quvchilarga quyidagi savollar bilan murojaat etiladi.

• 
  Bu she’r nima haqida ekan?
  
• 
  Uni eshitganingizda ko‘z oldingizga nimalar keldi?
  

O‘quvchilar she’rni mustaqil o‘qiydilar.
- She’rdagi tushunarsiz so‘z va iboralarni belgilang.
She’rda uchragan notanish so‘zlar yuzasidan lug‘at ishi o‘tkaziladi.