Sana “ ” 20 yil. Mavzu: Ko‘zga ko‘rinmas xatarlar. Ma`naviy –mafkuraviy tajovuzlar

Ijtimoiy-siyosiy g’oyalar-har bir xalq va umuman, bashariyatning ozu umidlarini, maqsad-muddaolarini ifodalaydi. Ozodlik, mustaqilik, adolat va haqiqat tinchlik-sevarlik va insonparvarlik g’oyalari shular jumlasidandir. Ozodlik g’oyasi-mazlumlarni o’z erki uchun kurashga chorlaydigan, qo’llik va qaramlikning har handay ko’rinishini inkor etadigan g’oyadir Komil inson - milliy istiqlol mafkurasining asosiy g’oyalaridan biri. Bu g’oya ham milliy, ham umuminsoniy mohiyatga ega bo’lgan, insondagi eng yuksak ma’naviy va jismoniy barkamollikni mujassam etgan, uni doimo ezgulikka undaydigan g’oyadir.

«Bu g’oya nafaqat alohida shaxslarni, balki butun-butun xalqlarni yuksak taraqqiyot sari yetaklagan, ularni ma’naviyat va ma’rifat bobida tengsiz yutuqlarga ilhomlantirgan. Komillikni orzu qilmagan, barkamol avlodlarni voyaga yetkazish haqida qayg’urmagan xalqning, millatning kelajagi yo’q. Bunday xalq va millat tanazzulga mahkum»¹.

Ayniqsa, komil inson g’oyasi islom falsafasidan oziqlanib, to’laqonli ma’no kasb etgan. Ibn Sino, Beruniy, Forobiy, Alisher Navoiy asarlarida, Imom Buxoriy hadislari-yu, Bahouddin Naqshbandning «Dil ba yoru, dast ba kor» tamoyilida komil inson g’oyasi takomilga erishdi. Xalqimiz, mutafakkir ajdodlarimiz ijodida ko’plab komillik timsollari yaratildi: Shiroq, Alpomish, Farhod singari mardlik va jasurlikning badiiy timsollari, sohibqiron Amir Temur va Alisher Navoiy singari xalqparvarlik, vatanparvarlik timsollari shular jumlasidandir.

Mustaqil O’zbekiston taraqqiyotida barkamol inson tarbiyasi ustuvor ahamiyatga ega. Yosh avlodni ma’naviy va jismoniy baquvvat qilib tarbiyalashga qaratilgan qonuniy hujjatlar, Kadrlar tayyorlash milliy dasturi asosida olib borilayotgan xayrli ishlar shu ulug’ maqsadni amalga oshirishga yo’naltirilgan.