Самиси ўқув услубий

 
7. Истеъмол товарлари бозорида харидорларни товарга ёки маркага 
бўлган содиқлиги. 
Харидорнинг содиқлик даражаси унинг маълум бир товар маркасига 
мойилиги билан тавсифланади ва одатда ушбу маҳсулотни қайта харид 
қилиш сони билан ўлчанади. 
Товар маркасига содиқлик ҳақида гапирганда узоқ вақт давомида 
компания билан бирга қолувчи ва бунда такрорий харидларни амалга 
оширувчи истеъмолчиларни ёдга олиш лозим. 
Истеъмолчи мазкур турдаги маҳсулот ёки хизматни харид қилиш 
жараёнида олган ижобий тажриба содиқликнинг асосларидан бири 
ҳисобланади. Масалан, агар сизни «Пантин» фирмасининг шампунлари 
сифати тўлиқ қониқтирган бўлса, кейинги сафар бошқа барча омиллар 
ўзгармаган ҳолда сиз бошқа шампунлар ичидан айнан шу фирманинг 
маҳсулотини танлаб оласиз. Ўз навбатида ювувчи воситаларни танлашда 
Проктер энд Гэмбл компанияси яхши шампунлар ишлаб чиқаришини 
билганингиз сабабли бу ижобий муносабат ушбу компаниянинг бошқа 
товарларига ҳам ўтиши мумкин.
Агар 
корхона 
раҳбарияти 
корхонада 
содиқлик 
тизимини 
шакллантиришга қарор қилса, биринчи навбатда қуйидаги каби ташкилот 
фаолияти таҳлилининг янги элементларини киритиш талаб қилинади:
 мижозлар баланси;
 мижозлар сонининг ўзгариши ҳақида ҳисобот;
 мижозлар сонининг камайиши сабаблари таҳлили ва б.
Бу мижозларни жалб этиш ва уларни сақлаб қолишни анча 
енгиллаштиради. 
Истеъмолчиларнинг содиқлиги уларнинг қониқиш ҳиссига боғлиқлиги 
кўриниб турибди, албатта. Шу сабабли энг муҳим масалалардан бири 

---

харидорнинг у ёки бу товардан қониққанлик даражасини қандай қилиб 
ўлчашдан иборат.
Ушбу жараённи аниқроқ тасаввур қилиш учун мисол келтириб ўтамиз: 
оддий компанияда раҳбарият мажлиси бўлади. Компаниянинг саккизта 
бўлинмаси турли соҳаларда бизнес фаолияти юритади. Барча бўлинмалар 
рақобатнинг кучайганлигини ҳис қилади ва компания томонидан 
истеъмолчиларнинг қониққанлик даражасини аниқлаш бўйича дастур ишлаб 
чиқилади. 
13