Самиси ўқув услубий

Қониққанлик даражаси ва содиқлик ўртасида боғлиқлик. 
Истеъмолчиларнинг қониққанлик даражаси бўйича тадқиқот ўтказилган 
Ксерокс компанияси менежерлари юқорида кўриб ўтилган тадқиқот 
натижаларига катта ҳисса қўшган.
Истеъмолчилар эҳтиёжлари асосида яратилган юқори сифатли 
маҳсулот ва унга қўшимча кўрсатилувчи хизматлар истеъмолчиларнинг 
қониққанлик даражаси янада юқори бўлишига хизмат қилади. Бу эса 
истеъмолчиларнинг содиқлигини оширишга замин яратади. Юқорида айтиб 
ўтилганидек, товарга содиқлик корхонанинг узоқ муддатли муваффақияти 
учун асос бўлади.
Истеъмолчиларнинг қониққанлик даражаси ҳақидаги ахборот 
компаниянинг ўз мижозлари билан қай даражада ишлашини кўрсатиб 
турувчи ажойиб кўрсаткичдир. Шунингдек, бу мижозларнинг асосий қисми 
қониқиши учун нималар қилиш кераклигини ҳам кўрсатиб беради. Шу 
сабабли турли истеъмолчилар нималар деяётганлигини тўғри тушуниш 
стратегик аҳамият касб этади.
Истеъмолчиларнинг содиқлик дастурлари оммавийлиги юқори 
даражада бўлиб, ўсишда давом этмоқда. Бозор башоратлари бу тенденция 
ҳали 10-20 йил сақланиб туришини кўрсатади. Дастурлар гллобаллашади. 
Мукофотлаш даражаси ва иштирок этишнинг осонлиги асосий омилларга 
айланади. Кўплаб тармоқлар ўз дастурларини энди яратаётган бир пайтда 
меҳмонхона, савдо ва авиасаноат бу жиҳатдан етакчи ҳисобланади. улардан 
кейинги ўринларни телекоммуникациялар ва молиявий хизматлар эгаллаб 
турибди.
Дастурлар тобора қизиқиқарли, янги технологияларни қўллаган ҳолда 
танловчан бўлиб бормоқда. Бунинг исботи – яхлит дастурларнинг бир нечта 
ихтисослашган дастурларга тақсимланишидир. Ўз навбатида, истеъмолилар 
ҳам тобора фаоллашиб бормоқда. Улар ҳақиқатдан ҳам манфаатдор бўлган 
рағбатлантиришга эга бўлиш мақсадида дастуларда қатнашиш истагини 
билдирмоқдалар. Янги тенденциялар содиқлик дастурлари бозорини 
индивидуаллаштирмоқда. 
Такомиллашиб 
бораётган 
технологиялар 
провайдерларнинг ҳам, дастур иштирокчиларининг ҳам ҳатти-ҳаракатларини 
енгиллаштиради ва тезкор алоқа ўрнатишга имкон беради. Савдо 
нуқталарининг имкониятлари ортиб, дастур қатнашчилари бевосита харид 
жараёнида очко ишлаб олишлари мумкин бўлади.

---

Микропроцессорли карталар содиқлик дастурларидан интерактив 
режимда фойдаланиш ва турли провайдерларнинг бир нечта дастурларини 
битта картада умумлаштиришга имкон беради. Бу эса ҳамкорлик қилувчи 
фирмалар учун қулайлик яратади, чунки бунда карточкалар ишлаб чиқариш 
харажатлари пасаяди.
Хулоса қилиб айтиш мумкинки, истеъмолчиларнинг содиқлиги билан 
бир пайтда ходимлар ва инвесторларнинг содиқлиги ҳам муҳим аҳамият касб 
этади. Ходимлар қўнимсизлигининг юқорилиги кўп ҳолларда корхона 
фаолияти кўрсаткичларининг пасайишига олиб келади. Ва албатта, доимий 
инвестициялар манбаи кўп жиҳатдан корхона ривожланишига маблағларнинг 
ўз вақтида киритилишини белгилаб беради. Бу эса, ўз навбатида, 
муваффақият гарови ҳисобланади.