Samduning o‘zbekiston-finlandiya pedagogika instituti maktabgacha ta’lim fakulteti haqida ma’lumot

FAKULTET TARIXI:
Maktabgacha ta’lim fakulteti Samarqand davlat universiteti qoshida 2018-yil 26-avgustda universitet rektori R.I.Xalmuradovning 584-IJ sonli buyrug‘i asosida tashkil etilgan. Dastlab fakultetda 5 ta kafedra mavjud bo‘lgan. Bular: Maktabgacha ta’lim pedagogikasi va psixologiyasi kafedrasi, maktabgacha ta’lim nazariyasi va metodikasi kafedrasi, tasviriy san’at va muhandislik grafikasi kafedrasi, musiqiy ta’lim kafedrasi, umumtexnik fanlar va texnologiyalar kafedrasi. 2019-2020 o’quv yilida tasviriy san’at va muhandislik grafikasi va musiqiy ta’lim kafedralari alohida ajralib san’atshunoslik fakulteti sifatida o‘z ishini boshladi. 2019-2020 o‘quv yilida maktabgacha ta’lim fakulteida 3 ta kafedra maktabgacha ta’lim pedagogikasi va psixologiyasi, maktabgacha ta’lim nazariyasi va metodikasi va umumtexnik fanlar va texnologiyalar kafedralari faoliyat yuritdi.
2021-yil 30-iyun kuni O‘zbekiston Respublikasi Vazirlar mahkamasining 408-qarori asosida Samarqand davlat universitetining O‘zbekiston-Finlandiya pedagogika instituti tashkil etildi. Institut tarkibida Maktabgacha ta’lim fakulteti ham tashkil etildi. Fakultet dekani etib pedagogika fanlari bo‘yicha falsafa doktori(PhD), dotsent Zohidova Sanoat Raxmonovna etib tayinlandi. Fakultetning o‘quv ishlari bo‘yicha dekan o‘rinbosari etib Qurdashov Shahriddin Mahmud o‘g‘li, yoshlar bilan ishlash bo‘yicha dekan o’rinbosari etib Niyozov Zafar Karimqulovich tayinlandi. Fakultetda 2 ta kafedra qayta tashkil qilindi: Maktabgacha ta’lim pedagogikasi va psixologiyasi va maktabgacha ta’lim nazariyasi va metodikasi kafedralari. Fakultetda 2 ta yo‘nalish mavjud: 60110200 - Maktabgacha ta’lim yo‘nalishi-bakalavriyat va 70110201– Ta’lim va tarbiya nazariyasi va metodikasi (Maktabgacha ta’lim) mutaxassisligi-magistratura. Bakalavriyat bosqichida kunduzgi, kechki va sirtqi ta’lim shakllari mavjud.
O‘zbekiston Respublikasi Prezidentining “O‘zbekiston Respublikasi oily ta’lim tizimini 2030-yilgacha rivojlantirish konsepsiyasini tasdiqlash to‘g‘risida” 2019-yil 8-oktabrdagi PF-584-son Farmoni, O‘zbekiston Respublikasi Vazirlar Mahkamasining “Oliy ta’lim muassasalarida ta’lim jarayonini tashkil teish bilan bog‘liq tizimni takomillashtirish chora-tadbirlari to‘g‘risida” 2020-yil 31-dekabrdagi 824-son hamda “Respublika oily ta’lim muassasalarida talabalarni turar joy bilanqamrab olish darajasini oshirish chora-tadbirlari to‘g‘risida” 2021-yil 9-sentabrdagi 563-son qarori, Oliy va o’rta maxsus ta’lim vazirining 2021 yil 30 sentyabrdagi 412-son buyrug’iga asosan Maktabgacha ta’lim fakultetida ikki nafar tyutor Mardonov Sherzod Baxriddinovich va Shermanova Buvnisa Dinikulovna o‘z faoliyatini boshladi.