Samarqand veterinariya meditsinasi instituti

001.002.026.BMI. 2018 y. 

 

 

Kartoshkaning  yana  muhim  xususiyatlaridan  biri  shundaki,  u  boshqa 

sabzavotlarga  qaraganda  unchalik  ko‘p  issiqlik  va  namlik  chiqarmaydi.  SHu 

sababli sifatli kartoshkani tabiiy shamollatishda 1,5 m va faol shamollatishda 3,5-4 

metrgacha uyum holatida saqlash mumkin. Kartoshka uganaklarini yig‘ish, tashish 

va  saqlash  sharoitlariga  to‘xtaladigan  bo‘lsak,  mamlakatimizning  markaziy 

hududlarida  kartoshka  hosili  asosan  sentyabrning  ikkinchi  yarmidan  boshlab 

yig‘ishtiriladi.  Ma’lumki,  tuganaklar  etilganda  yig‘ishtirish  zarur,  chunki 

muddatdan  oldin  kavlangan  kartoshkani  ortiqcha  issiq  haroratda  saqlashga  to‘g‘ri 

keladi.  Kechikib  qazilganda  har  xil  kasalliklarga  chalinib,  sovuqqa  chidamsiz  va 

saqlash davrida ko‘plab chiqit chiqishiga sabab bo‘ladi. 

 

Respublikamiz sharoitida kechki kartoshka oktyabrning birinchi va ikkinchi 

o‘n  kunligidan  kavlana  boshlaydi.  Hosil  yig‘ish  –  kartoshka  etishtirishdagi  eng 

mashaqqatli  ishlardan  biridir.  YOg‘ingarchilik  bo‘lmasa,  kuzda  hosil  o‘z  vaqtida 

yig‘ib  olinadi.  Ammo,  ob-havo  injiqligi  bois  palakni  o‘rish,  terish,  tashish, 

saralash,  omborga  joylashda  qiyinchiliklar  yuzaga  keladi.  Kuzgi  hosil  yig‘ishda 

kavlagichlar  ishlatiladi,  lekin  terish,  ortish,  saralash,  omborga  saqlash  uchun 

joylash  asosan  qo‘l  kuchi  bilan  bajariladi.  Natijada  hosil  o‘z  vaqtida  yig‘ilmay 

qolishi va saralanmagan, sifatsiz mahsulot joylanish hollari uchraydi.