Samarqand veterinariya meditsinasi instituti

Elinni parvarish qilish – sut bezi qalin asab uchlari, qon tomirlar, ko‘plab sut alveolalari va sut yo‘llaridan tashkil topib bir - biri bilan bog‘lanib umumiy sut sisternasini hosil qiladi. Elinni parvarish qilishning asosiy maqsadi uning jarohatlanishining oldini olish hisoblanadi. Buning uchun birinchi navbatda sut sog‘uvchining qo‘li toza bo‘lishi zarur. Sigirlarni qo‘l bilan sog‘ishda sigir elini +40⁰-45⁰C li iliq suv yordamida rezina shlang orqali tozalab yuviladi va toza sochiq bilan quruq qilib artiladi. Elinni yuvish vaqtida sigir dumi maxsus qisqich yordamida dum asosiga qistirib mahkamlanadi. Sigir elinini yuvishdan oldin sut sog‘uvchining tirnoqlari kalta qilib olinib, qo‘l sovunlab yuviladi hamda quruq qilib artiladi. Sut sog‘uvchilar sog‘ishdan oldin maxsus xalat kiyishi va boshiga ro‘mol o‘rashlari kerak. Sutning birinchi tomchilari iflos bo‘lganligi sababli alohida idishga sog‘ib olinadi. Sigirlarni qo‘l bilan sog‘ishda massajdan foydalaniladi. Massaj tayyorlovchi va yakuniy turlarga bo‘linadi. Massaj sut bezlarining yaxshi rivojlanishi, sutni to‘liq sog‘ilishi va elin kasalliklarini oldini olishga yordam beradi. Sog‘ishdan oldin har bir elin bo‘lagi asta-sekinlik bilan silab-siypalab yuqoridan pastga qarab qisiladi. Shundan so‘ng har bir elin bo‘lagi aylanma harakat usulida engil massaj qilinadi. Elin surg‘ichlari kaft yordamida qisiladi ammo sog‘ilmaydi. Keyin sog‘ish tugagandan so‘ng yakuniy massaj utkaziladi.