Samarqand veterinariya meditsinasi instituti farmakologiya, toksikologiya va veterinariya sanitariya ekspertizasi va gigiyena kafedrasi

Makrolidli antibiotiklar
Ushbu guruhga mansub glikozidli antibiotiklarga, eritromitsin, oleandomitsin, hamda asosi tilozindan iborat bo‘lgan preparatlari kiradi.
Preparatlarning asosiy samarali bo‘lgan, faol ta’siri grammusbat mikrofloralarga ( stafilakok, steptokok) hamda ba’zi bir grammanfiy koklarga ham namoyon bo‘ladi.
Makrolidlarga likoplazma, rikketsiya, kuydirgi tayoqchalari va klastridalar ham sezuvchan.
Mikrob xujayralariga bakteriostatik ta’sir ko‘rsatadi. Penitsillin, streptomitsin va tetratsiklinga chidamli bo‘lgan bakteriyalarga, makrolidlar faol ta’sir ko‘rsatadi. Makrolidlar ta’siriga grammanfiy bo‘lgan ichak tayoqchalari, salmonellalar chidamli hisoblanadi. Ta’sir mexanizmi, boshqa glikozid antibiotiklar ta’siriga uxshash bo‘lib, ular ham xujayra oqsil sintezini, ribosoma darajasida tuxtatadi. Ichga qabul qilinganda terapevtik samaradorligi 6-8 soatgacha davom etadi.
Mikrolidlarni organizmga salbiy ta’sirlari kam uchraydi. Salbiy ta’siri yuzaga kelganda diariya va almriya holatlari kuzatiladi.
Eritromitsin (Erythromycinum). Oq rangdagi, hidsiz, achchiq ta’mga ega bo‘lgan kukun eritromitsin suvda kam, spirtda yengil eriydi. 1 TB= 1 mkg. Maz shaklida terini yeringli jarohatlarida, infeksiyalangan yaralar va kuyishlarda qo‘llaniladi. Katta hayvonlarga – 5, urtachalariga-10, mayda hayvonlarga esa – 20 mg/ kg miqdorida, 1 kunda 3 martadan qo‘llash tavsiya etiladi.
Eritromitsin fosfat (Erythromycini Fhosphas) Eritromitsinning fosforli tuzi, muskul orasiga va vena qon tomiri ichiga yuborilib qo‘llaniladi. Asosan pnevmaniya kasalligida tavsiya etiladi.
Dozasi: 3-7 mg/ kg.
Oleandomitsin fosfat (Oleandomycini phosphos). Achchiq ta’mli, oq – sariqsimon kukun. Suvda, aralashtirilgan kislota eritmasi va spirtda yengil eriydi. Eritromitsinga o‘xshash mikroblarga qarshi, asosan grammusbat mikroblarga qarshi ta’sir ko‘rsatadi.
Uni gasroenterit, pnevmaniya, metrit, endometrit kabi kasalliklarida qo‘llash tavsiya etiladi.