Samarqand

Tarbiyachi:- Hurmatli bolalar, ota-onalar, aziz mehmonlar!Bugun diyorimizning turli burchaklarida, maktab-bog‘chalarda, mahalla- xonadonlarda tantanali bayram - O‘zbekiston Respublikasining Mustaqillik kuni nishonlanmoqda. Ishchi va dehqonlar, olim va quruvchilar, tikuvchi va shifokorlar - hammalari bayramga munosib tayyorgarlik ko‘rib, sovg‘alar hozirladilar.Do‘stlarimiz ham bayramga tashrif buyurdilar, bu nur ustiga nur bo‘ldi. Bugun biz, istiqlolimizni. erkimizni, Mustaqilligimizni sharaflaymiz!
«O‘zbekiston - quyoshli diyor» qo‘shig‘ini kuylaydilar. (K.Kenjayev musiqasi).
Mehmonxonaga zangori bantik taqqan, oq futbolka va yashil yubka kiygan qizlar kirib kelishadi. Ular qo‘llarida yorug‘ yulduzchalar tutib, milliy bayrog‘imizdagi yulduzchalarni eslatib, qator bo‘lib turadilar.
Tarbiyachi:- Rahmat, sizlarga, yulduzchalar. Raqsingizni maroq bilan tomosha qildik. Endi o‘zingiz haqingizda to‘liqroq so‘zlab bering! «Yulduzchalar»:- Bizlar - o‘n ikkitamiz. O‘zbekiston Respublikasi milliy bayrog‘ida biz ham aks etganmiz. Bayrog‘imizdagi uch rangning har biri o‘ziga xos teran ma’no tashiydi. («Yulduzchalar» davraga tushib, navbatma-navbat gapirib beradilar).
Tarbiyachi:- (bayroq oldiga kelib).«Yulduzchalar» to‘g‘ri aytishadi. Bugungi kunda bayrog‘imizni dunyodagi aksariyat davlatlar, xalqlar taniydi va biladi. Bayramimizga ishtirok etib, shodligimizni baham ko‘rayotgan mehmonlarimizni qutlaymiz. («Mehmonlar» turib ta’zim qiladilar).
«Munojat» kuyi yangraydi.
Tarbiyachi:- (qadimgi kitobni qo‘liga olib, varaqlay boshlaydi). Bunday tantanali kunda ota-bobolarimiz, o‘tgan davlat arboblari-yu ulug‘ sarkardalarning nomlarini tilga olmaslikning iloji yo‘q. Chunki ular bizning faravon hayotimizni orzu qilib, bunday istiqlolga erishishimiz uchun kurashib, bu yo‘lda ijod qilganlar. (Tarbiyachi nomlarini eslagan buyuk siymolar - bolalar birin-ketin musiqali mehmonxonaga kirib keladilar).Beruniy, Al-Xorazmiy, Farg‘oniy, Forobiy, Ibn Sino, Bobur, Mashrab, Ahmad Yassaviy, Bahovuddin Naqshband, Najmiddin Kubro, imom Buxoriy, at-Termiziy... (bu yerda shu hududda tug‘ilgan shaxslarni yodga olish mumkin). Bolalar ularni odob bilan o‘rinlaridan turib, ta’zim bajo keltirib kutib oladilar, hurmat ila davraga o‘tqazadilar.

1.