Samarqand qishloq xo’jalik instituti

Сохта каштан баргини фитокимёвий ўрганишга доир


Х.М. Комилов, Н.Б. Илхомова
Тошкент фармацевтика институти, Тошкент ш., Ўзбекистон Республикаси


Ишнинг мақсади: Ўзбекистонда манзарали дарахт сифатида кенг экилаётган сохта каштан дарахти баргининг биофаол моддаларини ўрганиш.
Усуллар: сохта каштан барги биофаол моддаларини аниқлаш мақсадида перколяция йўли билан бензинли, 20% спиртли ва сувли суюқ экстрактлар олинди. Флавоноидларга Синод реакцияси, борат-лимон реакцияси, шунингдек, сурма (III) хлорид, алюминий (III) хлорид, темир (III) хлорид эритмалари билан реакциялар олиб борилди. Кумаринларга лактон ва диазореакциялар, сапонинларга кўпик ҳосил қилиш реакцияси, қўрғошин (II) гидроксиацетат эритмаси ва Фантан-Кандел реакциялари қўлланилди. Ошловчи моддалар темир аммонийли аччиқтош, темир (III) хлориднинг сувдаги 3% эритмаси, желатина, шиллиқ моддалар, ҳамда таснифлаш реакциялари ёрдамида аниқланди.
Алкалоидларни аниқлаш учун умумий чўктирувчи реакциялар, ҳамда бутанол-сирка кислота-сув (4:1:5) системасида қоғозли хроматография усули, уларни миқдорини аниқлаш учун эса Фромме, яъни XI ДФ усули қўлланилди.
Натижалар: сохта каштан дарахти баргидан олинган 20% спиртли экстракт таркибида биофаол моддалардан флавоноидлар, кумаринлар ва сапонинлар, сувли экстракт таркибида эса конденсацияланган ҳамда гидролизланувчи ошловчи моддалар аниқланди.
Сохта каштан таркибидаги алкалоидлар аниқлаш учун маҳсулотдан 2% сирка кислотаси ёрдамида ажратма тайёрланди. Олиб борилган умумий чўктирувчи реакциялар ҳамда қоғозли хроматография усули ёрдамида сохта каштан баргидан тайёрланган ажратма таркибида алкалоидлар борлиги аниқланди. XI ДФ усули ёрдамида маҳсулот таркибидаги алкалоидлар миқдори 0,04% ни ташкил қилиши топилди.
Хулосалар: сохта каштан барги таркибида биофаол моддалардан флавоноидлар, кумаринлар, сапонинлар, ошловчи моддалар ҳамда алкалоидлар борлиги аниқланди. Маҳсулот таркибида алкалоидлар миқдори 0,04% ташкил қилади.
http://www.ziyonet.uz/uzl/library/fs/cdate/ds/desc/libid/80200/offset/660