Samarqand iqtisodiyot va servis instituti raxmatulla xaitboyev ekologik turizm

10. «Nurobod» davlat buyurtmaxonasi 
Samarqand viloyati 
ijroqo‘mining 8.07.92-yildagi 86-k-sonli qarori bilan tashkil 
qilingan (muddati cheklanmagan). Buyurtmaxona maydoni 
40 ming ga. Tashkil qilishdan maqsad – yovvoyi hayvonlar, 
jumladan, yo‘rg‘a-tuvaloq va uning yashash joylari, butun tabiiy 
cho‘l kompleksini muhofaza qilishdir. 
Qayd qilingan tabiat qo‘riqxonalariga, buyurtmaxonalariga 
turmarshrut orqali borish ham ekoturistlar uchun zerikarli bo‘lmaydi 
aksincha, tabiat landshaftlari, tabiiy mintaqalar o‘zgarib borganidan 
ekoturistlar ko‘z o‘ngida xilma-xil o‘simliklar dunyosi va hayvonot 
olami ham o‘zgarib boradi. Ekoturizmni rivojlantirish dasturlarini 
rejalashtirish va tayyorlashda birinchi navbatda, mamlakatimizda 
ichki ekoturizmni rivojlantirishga katta e’tibor berishimiz lozim 

---

152
153
bo‘ladi. Chunki, davlat tabiat qo‘riqxonalariga turistlarning, tabiatga 
qiziquvchilarning qo‘yilmasligi natijasida aholining, talabalarning, 
maktab o‘quvchilarining qo‘riqxonalarimiz haqidagi bilimlari 
juda kam. Shuning uchun ham xalqaro ekoturizm rivojlangan 
davlatlarning ayniqsa ekoturizm rivojlangan Yevropa davlatlarining 
boy tajribalarini qo‘riqxonalarimizda qo‘llash vaqti keldi. Buning 
uchun birinchi navbatda vatanimizda alohida muhofazadagi 
hududlardan ekoturistik maqsadlarda foydalanishning huquqiy 
me’yorlarini ishlab chiqishimiz lozim.
Shuning uchun ham, O‘zbekiston Respublikasidagi davlat tabiat 
qo‘riqxonalarida, tabiat buyurtmaxonalarida, milliy parklarida 
saqlanayotgan, muhofaza qilinayotgan va ko‘paytirilayotgan, 
noyobligi bo‘yicha endemik bo‘lgan va xalqaro miqyosdagi 
xalqaro «Qizil kitob»ga kiritilgan hayvonot va o‘simliklar turlarini 
ham ekoturizmda foydalanish uchun tabiat qo‘riqxonalarining 
ekoturistik reklamasiga kiritish ekoturistlarni tabiat qo‘riqxonalariga 
jalb qilishda maqsadli yo‘nalishlardan bo‘ladi, deb hisoblaymiz.