Samarqand iqtisodiyot va servis instituti raxmatulla xaitboyev ekologik turizm

Ugom-Chotqol milliy parki.
Ugom-Chotqol davlat tabiat 
milliy parki 1990-yilda Toshkent viloyati hududlarida, G‘arbiy 
Tyan-Shan tog‘ tizmalaridagi 574,6 ming ga maydonda tashkil 
qilindi. O‘rmon bilan qoplangan yerlar – 56,4 ming ga, yaylov va 
pichanzorlar – 177,3 ming ga, sug‘oriladigan yerlar – 1,61 ming 
ga, qoyali va o‘simliksiz yalang‘och tog‘ yonbag‘irlari – 329,4 
ming ga. Milliy park bu yerda joylashgan va yashayotgan yerdan 
foydalanuvchilar hamda yer egalarining xo‘jalik faoliyatlarini 
tartiblashtirish, betakror tabiiy ekotizimlarni saqlash, muhofaza 
qilish va rekreatsiyali foydalanish maqsadlarida tashkil qilingan.
Milliy parkning hududlari quyidagi faoliyatlar zonasiga 
bo‘lingan;
• Agroparkli zona – 59,1 ming ga;
• Faol rekreatsiyali zona – 30,7 ming ga;
• Muvofiqlashtiriladigan rekreatsiyali zona – 13,6 ming ga;
• Qo‘riqxona zonasi – 35,8 ming ga;
• Qo‘riqxona tartib sharoitlariga tenglashtirilgan zona – 109,1 
ming ga;
• Tabiiy landshaftlar zonasi – 326,1 ming ga;
• Milliy park hududlarida o‘rmon xo‘jaligining 322,6 ming ga 
va 620 ga madaniy o‘rmonlar maydoni ro‘yxatga olingan.
Tog‘ barsi (qor qoploni)
Milliy park tabiati

---

134
135
G‘arbiy Tyan-Shanning o‘simliklar olami milliy parkning 
betakror boyligi bo‘lib, turlarning xilma-xilligi jihatidan 
hayratlanarli darajadagi o‘simlik turlaridan iborat. Milliy parkda 
2200 tur o‘simliklar o‘sadi, ularning 2150 turi yopiq urug‘lilardir. 
Milliy parkning o‘simliklar qatlamidagi turlardan 650 turi 
tabobatda, xalq tabobatida, 400 turi oziq-ovqat mahsulotlari va 
ziravorlar sifatida ishlatiladi.
Milliy park G‘arbiy Tyan-Shanning O‘zbekiston qismini 
egallagan bo‘lib, hayvonot olami quyidagi 280 turdan iborat:
• Sut emizuvchilar – 44 tur;
• Qushlar – 200 tur;
• Reptiliyalar – 16 tur;
• Amfibiyalar – 2 tur;
• Baliqlar – 20 tur.
Milliy park hududlarida «Qizil kitob»ga kiritilgan Menzbir 
sug‘uri (qunduz)ning asosiy populyasiyalari yashaydi.