Samarqand iqtisodiyot va servis instituti marketing kafedrasi

Umuman korxona darajasida marketing nazorati marketing samaradorligi darajasini baholash va korxonaning yuqori rahbariyati tomonidan tegishli qaror qabul qilish uchun zarur bo‘lgan axborotni olishdan iborat. Mazkur nazorat quyidagilarni baholashni nazarda tutadi: marketingning strategik va -yillik rejalari bajarilishining samaradorligi; marketing faoliyati sohasidagi taraqqiyot; narx - harajatlar - foyda munosabatini; yangi mahsulotlarni ishlab chiqarish natijalarini.
Bo‘linma darajasida marketing nazorati uzluksiz asosda amalga oshiriladi. U marketing faoliyati alohida elementlarining samaradorligini qisqa vaqt oraliqlarida va mazkur bo‘linmaning rahbariyati kompetentligini uzoq muddatli istiqbolda baholashga yo‘naltirilgan.
Tashqi nazorat, odatda, maslahat beruvchi firmalar tomonidan amalga oshiriladi. Masalan, reklama agentliklari, reklama kompaniyasining samaradorligini baholash bilan bir qatorda marketing faoliyatining muayyan sharoitlarga muvofiqligini ham baholashi mumkin. Yoki bozor tadqiqotlari bilan shug‘ullanadigan firmalarni olsak, ular sotishning taqqoslama dinamikasini va iste’molchilarning korxona tovarlariga munosabatini baholaydilar. Va, nihoyat, auditorlik firmalari umuman marketing faoliyatining samaradorligini har tomonlama tahlil qilishlari mumkin.

Nazorat va muloxaza uchun savollar

1.Strategik rejalashtirishning maqsadi nimadan iborat?

2.Strategik rejalashtirishda korxona dasturini maqsadi nimadan iborat?
3.Korxonani usish strategiyasi kaysi yunalishda amalga oshiriladi va uni kanday bosqichlari mavjud?
4.Divesifikasion usish deganda nimani tushunasiz?
5.Korxonani taktik rejasini maqsadi va roli nimadan iborat?


6-MA’RUZA: TALABNI QONDIRISHNI TADQIQ ETISH VA PROGNOZ QILISH (4-soat)


Reja:
1. Talab tushunchasi va uning miqdoriga ta’sir qiluvchi omillar. Talab qonuni
2. Talab elastikligi
3. Bozor kon’yunkturasi holati va istiqboldagi rivojlanish ko‘rsatkichlari hamda baholash uslublari.
4. Kon’yunkturani bashorat qilish.