Samarqand iqtisodiyot va servis instituti marketing kafedrasi

3-mavzu bo’yicha nazorat va mulohaza uchun savollar:

1. Marketingning asosiy maqsadi nimani ko‘zlaydi?

2. Marketingni asosiy maqsadi nimadan iborat?
3. Iste’molchiga yo‘naltirilganlik tamoyilining asosiy mazmuni nimadan iborat?
4. Korxonani maksimal darajada marketingga yo‘naltirish uchun qanday xatti-harakatlarni amalga oshirish kerak?
5. Jahon moliyaviy-iqtisodiy inqirozi sharoitida korxonalar yuqori foyda olishi uchun qanday chora-tadbirlarni qo‘llashi mumkin?
6. Marketingning asosiy funksiyalari va ularning mazmunini tushuntirib bering?
7. Marketingning asosiy turlarini tushuntirib bering?
8. Rivojlantiruvchi va rag‘batlantiruvchi marketing turlarini izohlab bering?
9. Remarketing va demarketingni tushuntirib bering?


4-Mavzu (4 soat): Marketing faoliyatini axborot ta’minoti
7-ma’ruza: Marketing axboroti va turlari
Reja:
1. Marketing axboroti, axborot tizimi, axborot turlari va ularni turkimlanishi.
2. Ichki va tashqi axborotlar, birlamchi va ikkilamchi axborotlar.

1. 
   Marketing axboroti, axborot tizimi, axborot turlari va ularni turkimlanishi.
   

Ma’lumki, marketing axboroti marketing faoliyatida qaror qabul qilish uchun asos hisoblanadi, shuningdek, qaror qabul qilgandan keyin olingan natijalarni tahlil qilish uchun ham keraqdir. Ko‘pgina marketologlarning ta’kidlashicha, axborot bilan bog‘liq faoliyat butun marketing faoliyati hajmining uchdan bir qismidan tortib yarmigachasini tashkil qiladi.
Iqtisodiy amaliyotda qo‘llaniladigan marketing axboroti quyidagi mezonlar bo‘yicha tasniflanishi mumkin.
Marketing maqsadlariga mo‘ljallangan axborotni bir nechta guruhlarga bo‘lish mumkin. Xususan, bozor va uning kon’yunkturasi haqidagi axborot, sotish (savdo)ning uslublari va shakllari haqidagi axborot va, nihoyat, o‘z korxonasi haqidagi axborot.
Korxonada shakllanayotgan axborotlar massivi bir martali marketing tadqiqotlarini o‘tkazish hisobiga va marketing axborotini to‘plash, ishlov berish va tahlil qilish natijasida davriy ravishda kengayishi va yangilanishi kerak.