Samarqand davlat universiteti tasdiqlayman

Fanning o’quv rejadagi boshqa fanlar bilan bog’liqligi va uslub jihatdan ketma-ketligi
Ijtimoiy va gumanitar fanlar tizimida sotsiologiya deyarli barcha fanlarni o’zining konkret sotsiologik tadqiqotlari bilan boyitib va kerakli ma`lumotlarni ayirboshlash orqali ular bilan doimo o’zaro aloqaga ega. Sotsiologiya iqtisodchilarga ishlab chiqarishda inson omilining o’rnini, mehnat unumdorligi o’sishiga, ishlab chiqarish va boshqaruv vazifalarini hal qilishga uning ta`sirini tahlil qilishga yordam beradi.
Huquq bilan o’zaro aloqasi qonunchiligini amalga oshirishdagi holat va tendentsiyalarni, davlatchilikni, fuqarolarni huquq va erkinliklarini ta`minlashni baholashga imkon beradi. Sotsiologlar empirik tadqiqotlarda retrospekiv tahlil va tadqiqotning tarixiy usulidan keng foydalanishadi.
Sotsiologiya va siyosatshnoslik fanlari tutashgan joyda siyosiy sotsiologiya mavjud, bu fanni o’zlashtirish zamonaviy mutaxassis uchun juda ham zarur.
Sotsiologiya fani demografiya, antropologiya, ekologiya va tabiiy fanlar bilan ham o’zaro aloqaga ega. Ayniqsa, bu holat matematik fanlar bilan o’zaro munosabatda yaqqol namoyon bo’ladi, chunki maxsus matematik usullarsiz empirik tadqiqotlarni o’tkazishning iloji yo’q.
SHunday qilib, sotsiologiya rivojida fanlararo aloqalar muhim rol o’ynaydi. Fanlararo bog’liklik asosida sotsial psixologiya sotsiolingvistika, sotsiopedagogika, sotsioekologiya, sotsial xizmat va boshqa turdosh fanlar vujudga keldi.


Fanning ishlab chiqarishdagi o’rni:
Sotsiologik fanining milliy va umumbashariy jihatlarini, uning jamiyat hayotidagi va rivojlanishidagi o’rnini talabalarga tushuntirish, jamiyatda ro’y berayotgan ijtimoiy hodisa va jarayonlarni chuqur tushunish, tahlil va tadqiq etish malakasini hosil etish, undagi mavjud sotsial muammo va kamchiliklarni bartaraf etish uchun amaliy tavsiya va ko’rsatmalar berishdir.


Fanni o’qitishda zamonaviy axborot va pedagogik texnologiyalar:
Dasturda ko’rsatilgan mavzular ma`ruza, seminar shaklida olib boriladi, shuningdek, fanning dolzarb masalalari talabalarga mustaqil ish sifatida o’zlashtirish uchun beriladi. Fan zamonaviy pedagogik texnologiyaning «Klaster», «Tarozi», «Matbuot konferentsiyasi», «Aqliy hujum», «Fokus guruh diskussiyasi» singari metodlari orqali hamda Power Point slaydlari yordamida o’tkaziladi.