Samarqand davlat universiteti tabiiy fanlar fakulteti

Teng oyoqlilar  turkumi – Isopoda. Teng oyoqlilar turli xil suvlarda va 
ayrimlari quruqlikda yashashga moslashgan qisqichbaqasimonlarning 4500 dan 
ortiq  turini  o’z  ichiga  oladi.  Aksariyati  erkin  yashovchi,  ba’zilari  baliqlarning 
parazitlari  va  ayrim-lari  suv  inshootlariga  zarar  keltiruvchilar  sifatida 
ma’lumdir. 
       Teng  oyoqlilarning  tanasi  orqa-qorin  (dorzoventral)  tomonga  qarab 
yassilashgan.  Boshko’krak  qalqoni  bo’lmaydi.  Ko’zlari  va  mo’ylovlari  yaxshi 
rivojlangan  7  ta  ko’krak  segmentlarida  bir  juftdan,  bir  xilda  tuzilgan  oyoqlar 
joylashgan. Shu sababli teng oyoqlilar degan nom olgan. Gavda o’lchami 1 mm 
dan 5 sm gacha, ayrim turlari 27 sm ga teng bo’ladi. Keng tarqalgan turlaridan 
biri “suv hutikchasi” - Asellus aquaticus. U Shimoliy va O’rta mintaqali iqlim 
zonalardagi  chuchuk  suvlarda  o’chraydi.O’rta  Osiyoda  ba’zi  g’or  suvlarida 
topilgan.  Quruqlikda  tarqalgan  guruhlaridan  zahkashlar  (Oniscoidea  kenja 
turkumi)  ning  turlari  uchraydi.  Masalan,  bizning  sharoitimizda  cho’llarda 
uchrovchi  oddiy  zahkash  (eshak  qurt)  Hemilepistus  cristatus  hammaga 
ma’lumdir. U tuproq tarkibidagi chirindilar bilan oziqlanadi.