Samarqand davlat universiteti tabiiy fanlar fakulteti

 
Jag’oyoqlilar kenja sinfi – Maxillopoda.   Bular  ancha  keng  tarqalgan 
bo’lib, okean va dengizlarda, xilma-xil chuchuk suv havzalarida, hatto yer osti 
suvla-rida ham yashashga moslashgan tuban va mayda qisqichbaqasimonlarning 
2000 ga yaqin turini o’z ichiga oladi. Jag’oyoqlilar kenja sinfi  kurak oyoqlilar 
(Sopepoda),  mo’ylovoyoqlilar  (Sirripedea),  karpxo’rlar  (Branchiura)  kabi 
turkumlarni o’z ichiga oladi.  
Ko’rak oyoqlilar turkumiga – sikloplar kirib, bosh ko’krak qismini kengligi, 
qorincha,  telson  va  furkaning  ancha  uzun  bo’lishi,  shuningdek  bir  juft 
muylovlarining o’rtacha uzunlikda bo’lishi, o’rg’ochisida yaxshi rivojlangan bir 
juft tuxum qopchig’ini bo’lishi bilan ajralib turadi. CHuchuk suvda yashovchi 
siklop  (Cyclops  strenuus)  hamda  diaptomus  (Diaptomus)  va  kalanus 
(Calanus)  avlodlarining  turlari  ko’p  uchraydi.  Siklop  odamning  ayrim  parazit 
chuvalchanglariga  oraliq  xo’jayin  bo’lishi  bilan  tibbiyotda  amaliy  ahamiyatga 
egadir.