Samarqand davlat universiteti tabiiy fanlar fakulteti

Tana  tuzilishi.  Hasharotlar  xilma-xil  kattalikda  bo’lib,  ayrimlari  mikroskopik 
o’lchamda  (0,2  mm)  bo’lsa,  eng  yiriklarining  o’lchami  esa  25-30  sm  ga  teng 
bo’ladi. 
        Hasharotlarning  tanasi  aniq  uch  bo’limdan,  ya’ni  bosh  (sefalon),  ko’krak 
(toraks) va qorin (abdomen) deb ataluvchi qismlardan iborat. Bosh bir-biri bilan 
yaxlit  bo’lib  qo’shilib  ketgan  5  ta  segmentdan,  ko’krak  3  ta  segmentdan  va 
qorin  esa  har  xil  sonda,  ko’p  hollarda  11  ta  segmentdan  iborat.  Umuman 
hasharotlarning tanasi ko’pi bilan 19 ta segmentdan tashkil topgan.  
        Bosh  yaxlit  xitin  pansiri  bilan  qoplangan  bo’lib,  bosh  kapsulasini  hosil 
qiladi, va unda “peshona”, “bosh tepasi”, “ensa”, “chakka”, “lunj” deb ataluvchi 
qismlar farq qilinadi. 
       Boshda  bir  juft  mo’ylovlar,  og’iz  organlari,  murakkab  va  oddiy  ko’zlar 
joylashgan.  Mo’ylovlarda  juda  ko’p  tuklar  bo’lib,  ular  tuyg’u  va  hid  bilish 
vazifasini  o’taydi.  Mo’ylovlar  bo’g’inlarga  bo’lingan  va  shakl  jihatdan  xilma-
xildir,  ya’ni  ipsimon,  arrasimon,  taroqsimon,  duksimon,  patsimon, 
plastinkasimon va boshqa shakllarda bo’ladi. 
        Boshda bir juft murakkab ko’z va bir nechta (har xil hasharotlarda 2 tadan 
8-12 tagacha) oddiy ko’zlar bo’ladi. Murakkab ko’zlar juda ko’p sondagi oddiy 
ko’zchalar  (ommatidiy)  larning  to’plamidan  iboratdir  va  har  bir  murakkab 

---

ko’zda  ularning  soni  har  xil  hasharotlarda  turlicha  sonda  (3  mingdan  25 
minggacha). 
        Murakkab ko’zlar boshning ikki yon tomonida, oddiy ko’zlar esa boshning 
peshona, tepa va ensa qismlarida joylashgan.