Seminar mashg‘ulotlarini tashkil etish bo‘yicha ko‘rsatma va tavsiyalar Seminar mashg‘ulotlari “Ijtimoiy ish praktikumi” fani bo‘yicha bilimlarni kengaytirishni va chuqurlashtirishni bakalavr talabalarning ilmiy tadqiqot ishlariga yo‘naltirilgan, bilim qobiliyatlarini o‘stirish, ma’ruzada bayon qilingan nazariy bilimlarni mustahkamlash maqsadida o‘tkaziladi. SHuningdek, talabalarda ijtimoiy ish amaliyotini olib borishning fundamental asoslari bo‘yicha amaliy ko‘nikmalar hosil qilishga yo‘naltirilgan.
Seminar mashg‘ulotlarda talabalar turli interfaol usullar asosidagi amaliy topshiriq va vazifalar yordamida mijoz bilan to‘g‘ridan-to‘g‘ri amaliyotda talab etiluvchi kasbiy malakani hosil qiladi. Bu borada yaratilgan nazariy-empirik yondashuvlar, amaliyotni olib borish usullari, texnologiya va mexanizmlari, ularning xorijiy davlatlarga xos modellari haqida nazariy bilimlarini mustahkamlaydi.
Seminar mashg‘ulotlarning taxminiy tavsiya etiladigan mavzulari: Ijtimoiy ishda praktikumlarning mohiyati.
Praktikumni tashkil etish va o‘tkazish talablari.
Ijtimoiy ish praktikumlarini tashkil etishning interfaol usullari
Sotsiologik praktikumlar. Psixologik praktikumlar.
Mijozda muammolarni mustaqil engish ko‘nikmalarini hosil qilish.
Individual ijtimoiy ish texnologiyalari.
Mijozning murakkab vaziyatdan chiqarish bosqichlari.
Mijozni maqsadga erishish uchun tashabbusga chorlash.
Ishchi qaydlarini olib borish malakalari.
O‘z tashkiloti manfaatlarini tushuna bilish va taqdim eta olish.
Hamkasb va boshqa mutaxassislar bilan ishlay olish qobiliyati.
O‘z-o‘zini nazorat va boshqarish malakalari.
Rahbar kuzatuvi ostida ishlay olish qobiliyati.
Kasbiy qadriyat va munosabatlarga sodiqlik.
Kasbiy kuyishni oldini olish.
Egallangan nazariy bilimlarni amaliyotda qo‘llay bilish qobiliyati.
Izoh: Seminar mashg‘ulotlari uchun o‘quv rejada ajratilgan soatdan kelib chiqib, ishchi dasturda beriladigan seminar mashg‘ulotlari mavzulari tanlab olinadi.