Samarqand davlat universiteti o. E. Toshmurodov, B. B. Kipchakov, A. T. Umarov kurash turlari va uni

Beldan oshirib uloqtirish - usul bo‘lib, bunda kurashchi bir yonlama turib raqibning yaktagi yelkasidan va chap yoki o‘ng yengidan ushlab, raqibini bel qismi bilan oshirib gilamga tashlaydi.
Ushlab olishlar - qo‘llar bilan bajariladigan harakatlar, ular yordamida kurashchi hujum yoki himoyalanishlarni amalga oshirish maqsadida raqib yaktagining qulay joyidan ushlab turishi mumkin.
Kurash taktikasi - bu bellashuvlar va musobaqalarda yuzaga kelgan muayyan vaziyatlarda raqib xususiyatlarini hisobga olgan holda texnik iroda va jismoniy imkoniyatlardan mohirona foydalanish.
Hujum uchun tayyorgarlik harakatlari - bu hujum harakatini bajarish uchun zarur bo‘lgan raqibning kutilayotgan va himoyalanish harakatini keltirib chiqarish maqsadida bajariladigan kurashchining hujum harakatlari.
Taktik tayyorgarlik usullari - kurashchi harakatlari bo‘lib, ular yordamida u hujum yoki qarshi hujum uchun qulay sharoitlarni yaratadi.
Razvedka - kurashchining raqib to‘g‘risida ma’lumot olishga qaratilgan taktik harakatlar.
Niyatni yashirish - kurashchining taktik harakati bo‘lib, uning yordamida u raqibdan o‘zining asl niyatlarini yashiradi.
Xafv solish - kurashchining raqibni himoyalanishga o‘tishga majbur qiluvchi taktik harakati.
Soxta harakat (aldash) - hujum qiluvchi tomonidan oxiriga yetkazilmaydigan va raqibni himoyalanishga majbur qiladigan usullar, qarshi usullar, ushlab olishlar, siltashlar, turtishlar va boshqa harakatlar.
Muvozanatdan chiqarish - kurashchining taktik harakati bo‘lib, u raqibni nomustahkam holatni egallashga majbur qilish bilan birga kurashchiga hujumni bajarish uchun qulay vaziyatni yaratadi.