Samarqand davlat universiteti isoqjon negmatov ijtimoiy ishning etik

ishontirish, tinchlantirish.
Maslahatchi mijoz holatini yaxshilash yoki his 
etishini yaxshilash, biroq bu usullar u faqat nomigagina “aytishi” mumkin, 
mijozning qayg‘urishi va samimiy yoki haqiqiy tuyg‘usini inkor etgan holda, u 
holatini yaxshilash harakat qilish; 
- 
so‘rash va izlanish
. 
Maslahatchi ma’lumotlarni yig‘ishda mijoz gapirishni 
xohlamagan yoki gapirishga tayyor emas holatlarida “ta’ziq” o‘tkazish; uni 
ma’lumot yetkazishiga majburlash; mijozga muammosini anglashiga yordam 
berish yoki o‘z qarorini qabul qilishni ishlab chiqishiga yordam berish o‘rniga o‘zi 
qaror qabul qilish. 
Bahslashuvda ko‘pincha haqiqatni ifodalayotgan odam emas, balki raqibi 
nutqini tez va aniq tahlil qila oladigan, unga mutanosib va samarali tarzda o‘z 
nutqini tuza oladigan odam g‘olib chiqadi. 
Muloqot strategiyasi o‘z ichiga quyidagilarni (O.Y.Goyxmanga ko‘ra) 
qamrab oladi: 
- umumiy vaziyatni anglash; 
- unda maqsadga yo‘naltirilgan ta’sir o‘tkazish vazifalari va asosiy 
g‘oyalarini aniqlab olish; 
- qo‘yilgan vazifalarni bajarish uchun vaziyat rivojlanishini rejalashtirish va 
tashkil etish. 
Muloqot strategiyasi nutq taktikasida, ya’ni muayyan vaziyatda belgilangan 
maqsadlarga erishish imkonini beradigan nutq usullaridan foydalanish orqali 
erishiladi. Masalan, avvaldan ishonish ma’nosini deyarli 30 xil usulda ifodalash 
mumkin: “taxmin qilish”, “yumshatish”, “bo‘rttirish”, “siljitish”, “aybni boshqa bir 
kishiga to‘nkash”, “takrorlash”, “misol keltirish” va boshqalar. 
Nutq taktikasiga quyidagilarni ham kiritish mumkin: kutilmaganlik, obro‘ga 
murojaat qilish, prognozlash, norasmiy elementlar kiritish, yumor va boshqalar. 
Ijtimoiy xodim uchun muayyan vaziyatga hammadan ko‘ra mosroq keladigan nutq 
taktikalarini tanlay bilish ko‘nikmasi juda muhim. 
Ijtimoiy xizmat ko‘rsatuvchilar uchun mijozlarning turli muammolari 
bo‘yicha muzokaralar olib borish muhim ahamiyat kasb etadi. Muzokaralar dialog 
yoki polilog shaklida mo‘ljallangan natijalarga erishish yo‘lida o‘tkaziladigan ish 
muloqoti ko‘rinishidir. Ular asosan o‘zaro fikr almashish yo‘li bilan har ikki tomon 
manfaatlariga mos keladigan bitimga erishish va barchaga manzur bo‘ladigan 
natijani qo‘lga kiritish uchun o‘tkaziladi. Yutuqqa erishish va mijoz manfaatini eng 
yaxshi tarzda himoya qilish uchun muzokara olib borish san’atini mukammal 
egallash lozim. Muzokara olib borishning mutaxassislar tomonidan tajriba asosida 
ishlab chiqarilgan muayyan qoidalari mavjud. Bu qoidalar haqida quyida atroflicha 
to‘xtalib o‘tamiz.