Samarqand davlat universiteti huzuridagi

1.2. Pedagogik innovatsion faoliyat – zamonaviy ta’limning muhim omili.

Bugungi kunda O’zbekiston Respublikasida ta’lim tizimini tubdan isloh qilish yo’lida olib borilayotgan amaliy harakatlar o’zining eng yuqori cho’qqisiga chiqdi. Uzluksiz ta’lim tizimini takomillashtirish yo’lida amalga oshirilayotgan tizimli, majmuaviy ishlar doirasida barcha ta’lim muassasalarida o’qitiladigan o’quv fanlarini mazmunan yangilash, ularni o’qitishda yuksak samaradorlikka ega shakl, metod va vositalarni tanlash, har bir o’qituvchining metodikasini mustahkamlashga alohida e’tibor qaratilmoqda. Bu boradagi ishlarning barchasi yagona nom bilan “ta’lim jarayoniga innovatsion yondashuv” deb ataladi.

“Ta’lim jarayoniga innovatsion yondashuv” tushunchasi ikki xil mahnoni anglatadi: 1) ta’lim muassasasi faoliyatining innovatsion xarakter kasb etishi; 2) har bir o’qituvchi (pedagog) faoliyatining innovatsion xarakteri.

Pedagoglarning har bir innovatsion jarayon sub’ekti sifatida namoyon bo’ladi.

Ta’lim muassasasida innovatsion faoliyatning aniq maqsadga yo’naltirilganligi innovatsion jarayonning oqilona tashkil etilishini ta’minlaydi. Bu holat har bir alohida harakatni inobatga olishni taqozo etadi. Innovatsion jarayonning faoliyat nuqtai nazardan motiv, maqsad, shakl, metod, vosita, natija kabi tarkibiy qismlarni o’z ichiga qamrab oladi.

Motiv – mutaxassisning yangilikni yaratish, o’zlashtirishga bo’lgan ehtiyoj, qiziqishlarini o’zida ifoda etuvchi undovchi kuch, sabab sanaladi.

Innovatsion faoliyatning maqsadi kutilgan natijaga erishishni ta’minlaydigan ta’lim jarayonining avvalgi va uni o’zgartirishga xizmat qiladigan yangi modeli holatini o’zida aks ettirishi bo’lib, uning negizida bir qator vazifalar hal qilinadi. Ya’ni:

1. 
   kutilgan natijaga erishish vaqtini aniqlash;
   
2. 
   belgilangan muddatda uni qo’lga kiritish;
   
3. 
   sub’ektning maqsadga yo’nalganliligi;
   
4. 
   olingan natijani kutilayotgan bilan taqqoslash asosida yangilikning innovatsiyalanayotgan ta’lim qismini o’zgartiriini ta’minlash.
   

Innovatsion faoliyatning:

• 
  shakli: o’qituvchining maqsadga erishish uchun tashkil etilgan faoliyatini o’zaro muvofiqlashtirishga qaratilgan bir necha harakatlarning tashkiliy shakli;
  
•