Samarqand davlat universiteti filologiya fakulteti lingvistika: o‘zbek tili yo‘nalishi magistranti Turg‘unova Guldona Sadriddin qizining

Samarqand davlat universiteti filologiya fakulteti lingvistika: o‘zbek tili
yo‘nalishi magistranti Turg‘unova Guldona Sadriddin qizining
2022-yil 14-martdan 16-aprelgacha Guliston davlat universitetida
o‘tkazgan ilmiy amaliyot (stajirovka)si to‘g‘risida
HISOBOT
Belgilangan muddat mobaynida ilmiy amaliyot (stajirovka) ni o‘tash bo‘yicha quyidagi ishlar amalga oshirildi:
Dastlabki 14-martdan19-martga qadar birinchi haftalikda ta’lim muassasasining joylashishi, tuzilmasi, hayoti, muhiti, rahbariyati va jamoasi, ona tili va adabiyot fani o‘qituvchilari va guruh rahbari bilan tanishdim. Rahbariyat, menga biriktirilgan fan o‘qituvchisi dots. F.Sharipovning ish rejasi, ona tili va adabiyot fanlari bo‘yicha kalendar reja, konspektlar, guruh jurnallari va boshqa me’yoriy hujjatlari bilan tanishdim, guruhlar bilan tanishib, o‘qituvchilarining darslariga qatnashdim.
24-martdan 29-martga qadar ikkinchi haftalik vaqt mobaynida dots. F.Sharipov va boshqa tajribali o‘qituvchilar darslariga va darsdan tashqari mashg‘ulotlariga qatnashdim hamda tahlil qildim, fan o‘qituvchisi yordamida va nazoratida o‘tiladigan tajriba darslari va darsdan tashqari o‘quv mashg‘ulotlariga tayyorgarlik ko‘rib o‘tdim. Menga biriktirilgan 15-20 M-LO‘ guruh va shu guruhning alohida tanlangan o‘quvchisi ustida malakaviy va psixologik kuzatishlar olib borib tahlil qildim.
30-martdan 9-aprelga qadar ikki hafta vaqt davomida menga biriktirilgan fan o‘qituvchisi dots. F.Sharipovning sinov darslariga va darsdan tashqari mashg‘ulotlariga mustaqil tayyorgarlik ko‘rib,76.21-guruhdan mustaqil ishlarni qabul qildim, boshqa amaliyotchi magistrantlarning darslariga qatnashdim va tahlil qildim. Ta’lim muassasasining ilmiy kutubxonasidan foydalangan holda magistrlik disseratatsiyasi bo‘yicha manbalar to‘pladim va ulardan unumli foydalandim.
11-apreldan 16-aprelga qadar bo‘lgan oxirgi hafta davomida malakaviy amaliyot hisobotini tayyorlash, hisobotga qo‘shib topshiriladigan hujjatlar, hisobotni taqdimot shaklida himoya qilishga tayyorgarlik bilan shug‘ullandim.
Umuman olganda, ilmiy amaliyot davomida menga yuklatilgan taopshiriqlarga asosan, ta’lim muassasasining o‘quv ishlari, ma’naviy-axloqiy va tarbiyaviy ishlar va tashkiliy ishlar bilan yaqindan tanishib, o‘rgandim va tajriba hosil qildim.


Magistrant: G.Turg‘unova