Samarqand davlat universiteti biologiya fakulteti botanika kafedrasi

56 - rasm. Mikrosporogenez: 
1 – changdon kesmasi; 2-5 – chang uyalarining rivojlanishi; 6-12 – changchaning har-xil 
shakllari; 13- changchaning arxesporial hujayrasi; 14 – 15 meyoz; 16 - mikrospora tetradasi;  

---

 
239 
18-22 – changchani unib chiqishi; 18 - mikrospora; 19 – yadro birinchi bo‘linishi, 
metafaza; 20 – vegetativ va generativ hujayralarni hosil bo‘lishi; 21 – generativ hujayraning 
bo‘linish metafazasi; 22 – yetilgan changcha. 
 
Ekzina  juda  pishiq  modda  sporopollelinindan  tuzilgan,  undan  qisman  tapetum  va 
mikrospora  hosil  bo‘ladi.  Intina  mikrospora  protoplasti  tomondan  to‘planadi.  Chang 
donachalarining o‘lchamlari va shakllari kuchli o‘zgaruvchan. Ularning diametri 20 nm. dan 250 
nm. gacha bo‘ladi. 
Yopiq  urug‘lilarda  mikrogametogenez  ichki  qobig‘ida  2  ta  hujayra  beruvchi  bir  yadroli 
mikrosporalarning  metotik  bo‘lishi  bilan  boshlanadi.  Ularning  biri  nay  hujayrasi  deb  atalsa, 
ikkinchisi generativ hujayra deyiladi. Ayrim turlarda changdon yorilib chang donalari sochilgan 
paytda  erkaklik  gametofiti  2  hujayrali  bosqichda  bo‘ladi,  boshqa  turlarda  generativ  yadro 
bo‘linadi va 2 ta erkak gametasi yoki spermiylarni hosil qiladi.