Samarqand davlat universiteti biologiya fakulteti botanika kafedrasi

K  o  s  a  ch  a  –  gulqo‘rg‘onni  tashqi  aylanmasini  hosil  qiladi.  Ularni  shakli  kosachani 
eslatadi.  Kosachabarglar  yashil  rangda  bo‘lib,  tutashgan  yoki  tutashmagan  bo‘lishi  mumkin. 
Tutashgan kosachalarni uchki qismi birikmay “tishchalar” shaklida bo‘ladi, ularni soniga qarab, 
uni hosil etishda ishtirok etgan kosachabarglarni sonini aniqlash mumkin. Kosachabarglarni bir-
biri bilan yonma-yon qo‘shilib ketgan qismiga naycha deb ataladi. Bu belgi bilan burchoqdoshlar 
oilasini  sistemaga  solishda  naycha  va  “tishchalarni”  uzunligi  inobatga  olinadi.  Kosachabarglar 
aktinomorf va zigomorf shaklda bo‘ladi. 
Kosachabarglarning asosiy vazifasi g‘uncha holidagi gulning yosh va nozik a’zolarini gul 
ochilguncha  himoya  qilishdan  iborat.  Ba’zan  kosachagul  ochilishi  bilan  tushib  ketadi,  bu 
xususiyat  ko‘knordoshlar  oilasiga  xos  belgidir.  Boshqa  oilalardan  masalan,  yalpizdoshlar 
oilasida  kosacha  gul  ochilgandan  keyin  ham  saqlanadi  va  mevalar  saqlanadigan  joy  bo‘lib 
xizmat etadi (masalan, ko‘kparang lagoxilus, kiyiko‘t, mavrak, xapri va boshqalar).  
O‘zbekiston,  Turkmanistonning  tog‘larida  o‘sadigan  tikanli  kserofit  (yunon.  ksero-
qirg‘oq+fiton-o‘simlik),  akantolimon  (qiziltikon,  kampirmurch)  ning  kosachabarglari  qizil 

---

 
118 
rangda bo‘ladi. Astradoshlar oilasining ba’zi vakillarida meva yoki urug‘larni shamol vositasida 
tarqalishi  uchun  xizmat  qiladigan  parashutga  o‘xshash  popukchalar  kelib  chiqishi  jihatidan 
kosachabargdir (momaqaymoq, qoqi, sariq takasoqol kabi o‘simliklar). 
Kosachabarglar  evolutsiya  jarayonida  uchki  barglardan  kelib  chiqqan.  Bunga  ularning 
rangi,  shakli,  anatomik  tuzilishi  guvohlik  beradi.  Kosachabarglardagi  o‘tkazuvchi  bog‘lamlar 
(naylar)  ning 
soni 
vegetativ 
barglarnikiga  o‘xshash.  Masalan,  ayiqtovondoshlarda 
kosachabarglarning  o‘tkazuvchi  bog‘lamlari  xuddi  vegetativ  barglarnikiga  o‘xshash  uch  qator 
bo‘lib, tojbarg va urug‘chilarda faqat bittadan iborat.