Samarqand davlat tibbiyot instituti

12.3. Leykotsitlar konsentratini quyishning xususiyatlari. 
Leykositlar tayyorlangandan so‘ng imkon darajasida darhol, 24 
soatdan ko'p bo’lmagan muddat ichida quyiladi. Terapevtik natijaga 
erishish uchun har kuni, 4-6 kundan kam bo’lmagan muddatda 
granulositopoezni qayta tiklash imkoni bo‘lmagan sharoitda yoki ta’siri 
bo‘lmaganda amalga oshirilishi lozim. 
Leykositlarni quyish, qon va filtrlangan qon preparatlarini quyishga 
mo‘ljallangan oddiy moslama yordamida amalga oshiriladi. Transfuziya 
oldi tekshiruvi eritrosit tarkibiy qismi tekshiruvi bilan bir xil amalga 
oshiriladi. ABO antigen va Rh mansubligi mos bo‘lishi lozim. 
Gistoleykositli antigenlar (HLA) bo‘yicha mos bo'lishi transfuziyani 
yaxshilashni, ayniqsa HLA antitanachalar tizimlari aniqlangan 
bemorlarga yaxshi ta’sir ko‘rsatishini ta’minlaydi. 
Leykositlar konsentratining hajmi odatda 200-400 ml me'yorida 
bo‘ladi, pediatriya amaliyotida uning hajmi ortib ketishdan saqlanish 
maqsadida kamaytirilishi lozim. 
12.4. Leykotsitlar konsentratini quyishdan so’ng uning 
samaradorlik ko’rsatkichlari. 
Transfuziyadan keyingi qon hajmining ortishi qon tarkibiy 
qismlarini quyishning samaradorligini baholashning an’anaviy uslubi 
hisoblanib, leykositlarni quyishda mukammal hisoblanmaydi, chunki 
quyilgan leykositlar tezda tomirdan chiqib, yallig‘lanish markaziga 
ko‘chadi. Shuning uchun quyilgan leykositlarning terapevtik 
samaradorligining eng yaxshi ko'rsatkichi klinik holatning dinamikasi 
hisoblanadi: tana haroratining pasayishi, intoksikatsiyaning kamayishi va 
yallig‘lanishning jismoniy paydo bo‘lishi, pnevmoniya mavjud bo’lganda 
o'pkada rentgenologik tasvirning yaxshilanishi, oldinroq buzilgan organ 
funksiyalarining barqarorlashuvi. 
12.5. Profilaktika maqsadida leykotsitlar konsentratini 
quyish. 
Infeksiyalar alomatlari bo‘lmagan granulositopeniyalarga ega 
bo'lgan bemorlarga profilaktik maqsadda leykositlarni quyish tavsiya 
qilinmaydi, chunki kutilgan ta'sir ijobiy natija ko'rsatmaydi. 

---

K.M. Abdiyev, U.D. Dadajanov, A.G. Madasheva