Samarqand davlat tibbiyot instituti

Davolashning borishi:
Ingalatsiya uchun salbutamol 200 mkg, sutkasiga 2 maxal fliksotid 500-600 mkg dozada, prednizalon 0,02 1tabletkadan, kuniga 2 marta, eufillin 0,5 1 tabletkadan kuniga 2 marta, intal ingalatsiya kuniga 2 marta 2 ml dan.
Bemorning muolajadan keyingi holati: bemorning ahvoli yaxshilandi. Salomatligi qoniqarli.
Tavsiyalar
Parxez rejimi, yengil jismoniy mashqlar, allergen bilan aloqa qilmaslik, allergolog shifokorga muntazam ravishda koʻrikda boʻlish, sanatoriya-kurort sharoitida davolanish.

Xulosa
Qadimgi tabiblar ham bronxial astmani yengillashtiradigan ko‘pgina davo usullaridan xabardor boʻlishgan. Bronxial astma ikki guruhdagi preparatlar bilan davolanadi. Birinchi guruhi yallig‘lanishga qarshi bo‘lib uzoq muddatli, davomli tarzda ishlatiladi. Ikkinchi guruhi esa tez yordam ko‘rsatuvchi preparatlar hisoblanadi va bemor ahvolini vaqtincha yaxshilashga xizmat qiladi.
Bronxial astmani dori-darmonlarsiz davolash usuli (naturoterapiya) ham yo‘lga qo‘yilgan. Naturoterapiya to‘rtta guruh (eliminatsion terapiya, mashq qildiruvchi terapiya, fitoterapiya, aralash usullar bilan ta’sir o‘tkazish)ni o‘z ichiga oladi. Aniqroq aytganda muolajalar turi bemorning ruhiy holati, kasallikning kechishi va qaysi bosqichda ekanligiga qarab tanlanadi.
Shuni bilish muhimki, bronxial astmani davolash kechiktirilganda, u zo‘rayib bir qancha og‘ir asoratlar qoldirishi mumkin. Ya’ni o‘tkir o‘pka emfizemasi, o‘pka barotravmasi, yurak-tomir faoliyatining buzilishi ro‘y beradi. Shuning uchun ham bemorga tashxisni to‘g‘ri qo‘yib, davolashni boshlash va bunda kasallikning og‘ir-yengilligini hisobga olish juda-juda zarur.
Bronxial astmaning kechishi avj olish va remisiiya davrlaridan iborat, kasallik oʻz vaqtida aniqlanganda tegishli davolash choralari bilan uzoq muddatli va samarali remissiyaga erishish mumkin. Kasallikning yakuni bemor oʻz salomatligi haqida qanday qaygʻurishi va shifokor koʻrsatmalariga qanday amal qilishiga ham bogʻliq.
Surunkali bronxitni oldini olish, chekishni tashlash va allergenlar bilan aloqani kamaytirish profilaktikada muhim ahamiyatga ega. Bu kasallik paydo boʻlishi xavfi ostida boʻlgan, oila azolarida kasallik bilan ogʻriganlar bor boʻlgan odamlar uchun ayniqsa muhimdir.
Kurs ishida 2002 yil GINA (Global Initiative for Asthma) tashkilotini qoʻllab-quvvatlash va kasallikni oldini olishga qaratilgan oid analitik va statistik ma’lumotlar dan foydalanildi. Bronxial astma kasalligini oʻrganish jarayoni tibbiyot fanining eng muhim muammolaridan biri boʻlib, bu tadqiqotlar ilm-fan sohalarining fundamental (tibbiy genetika) sohasidan amaliy (sogʻliqni saqlashni tashkil qilish) sohasiga muvaffaqiyatli ta’sir koʻrsatadi. Shu bilan birga, olib borilayotgan tadqiqotlar doimiy ravishda bir qator tushunchalarni qayta koʻrib chiqish, astma muammosi boʻyicha yangi xalqaro konsensuslarni yaratish, yangi davolash usullarini ishlab chiqish va tibbiy yordam koʻrsatishning yangi standartlarini, tibbiyot xodimlarining doimiy ta’lim va oʻz-oʻzini tayyorlashni talab qiladi.