Samarqand davlat chet tillar instituti bolalar pedagogikasi

7-bob. Maktabgacha ta’lim tashkilotiga bolalarni qabul qilish va undan chiqarish
34. Bolani maktabgacha ta’lim tashkilotlariga doimiy yoki vaqtincha qatnashga qabul qilish ushbu tashkilotda bо‘sh joylar bо‘lsa, kalendar yil davomida quyidagilar asosida amalga oshiriladi:
bola qonuniy vakilining arizasi;
О‘zbekiston Respublikasi Vazirlar Mahkamasi tomonidan belgilangan tartibda vakolatli organ bergan yо‘llanma (davlat maktabgacha ta’lim tashkiloti uchun);
bola sog‘lig‘i holati tо‘g‘risidagi tibbiy ma’lumotnoma.
35. Davlat maktabgacha ta’lim tashkilotlariga 3 yoshdan 7 yoshgacha bо‘lgan bolalar qabul qilinadi.
36. Bola davlat maktabgacha ta’lim tashkilotiga О‘zbekiston Respublikasi Vazirlar Mahkamasi tomonidan belgilangan tartibga muvofiq qabul qilinadi.
37. Bola nodavlat maktabgacha ta’lim tashkilotiga Nodavlat maktabgacha ta’lim tashkiloti ustaviga muvofiq qabul qilinadi.
38. Bolani davlat maktabgacha ta’lim tashkilotiga qabul qilish maktabgacha ta’lim tashkiloti rahbarining buyrug‘i bilan rasmiylashtiriladi.
39. Bolaning qonuniy vakili bilan tuzilgan shartnoma bolani nodavlat maktabgacha ta’lim tashkilotiga qabul qilish uchun asos hisoblanadi.
8-bob. Maktabgacha ta’lim tashkiloti guruhlarini tо‘ldirish
40. Guruh maktabgacha ta’lim tashkilotining tarkibiy birligi hisoblanadi.
41. Maktabgacha ta’lim tashkilotidagi guruhlar ham bir xil yoshdagi, ham turli yoshdagi bolalar bilan tо‘ldirilishi mumkin.
42. Maktabgacha ta’lim tashkiloti tarbiyalanuvchilarini tо‘ldirish va bir guruhdan boshqasiga о‘tkazish har yili о‘quv yili boshlanishidan oldin amalga oshiriladi.
43. Davlat maktabgacha ta’lim tashkilotlarida guruhlar quyidagi miqdorda tо‘ldiriladi:
3 yoshdan 7 yoshgacha bо‘lgan bolalar uchun mо‘ljallangan guruhlarda — kamida 20 nafar va kо‘pi bilan 30 nafar bola;
bolalar qisqa vaqt bо‘ladigan guruhlarda — kо‘pi bilan 30 nafar bola;
turli yoshdagi guruhlarda — kamida 20 nafar va kо‘pi bilan 25 nafar bola;
bolalar kechayu kunduz bо‘ladigan guruhlarda — kо‘pi bilan 10 nafar bola.
Agar davlat maktabgacha ta’lim tashkiloti joylashgan joyda davlat maktabgacha ta’lim tashkilotiga borishni xohlovchi maktabgacha yoshdagi bolalar soni 20 nafar boladan kam bо‘lsa va bu joyda boshqa davlat maktabgacha ta’lim tashkiloti bо‘lmasa, О‘zbekiston Respublikasi Maktabgacha ta’lim vazirligi bilan kelishgan holda kam sonli bolalardan iborat guruhlarni tashkil etishga yо‘l qо‘yiladi.
44. Nodavlat maktabgacha ta’lim tashkilotlarida guruhlarni tо‘ldirish tartibi maktabgacha ta’lim tashkilotlarini saqlab turish, tuzish va ularda ishlash tartibini tashkil etishga qо‘yilgan sanitariya-gigiyena talablarini hisobga olgan holda muassis tomonidan belgilanadi.