Samarqand davlat chet tillar instituti bolalar pedagogikasi

4-bob. Nodavlat maktabgacha ta’lim tashkilotlari faoliyatini litsenziyalash
16. Maktabgacha ta’lim sohasidagi nodavlat ta’lim xizmatlarini amalga oshirish huquqi uchun litsenziyalar yuridik shaxs davlat rо‘yxatidan о‘tganidan keyin beriladi.
17. Maktabgacha ta’lim sohasida nodavlat ta’lim xizmatlarini amalga oshirish huquqi uchun litsenziya berish, litsenziyaning amal qilish muddatini uzaytirish, litsenziyaning amal qilishini tо‘xtatib turish yoki tо‘xtatish, shuningdek, uni bekor qilish va qayta rasmiylashtirish О‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan О‘zbekiston Respublikasi Vazirlar Mahkamasi belgilab bergan tartibda amalga oshiriladi.
5-bob. Maktabgacha ta’lim tashkilotlarining huquqlari, majburiyatlari va javobgarligi
18. Maktabgacha ta’lim tashkilotlari quyidagi huquqlarga ega:
О‘zbekiston Respublikasi Maktabgacha ta’lim vazirligi tomonidan tasdiqlangan maktabgacha ta’limning davlat ta’lim dasturi asosida о‘z ta’lim dasturini ishlab chiqish;
maktabgacha ta’limning davlat ta’lim dasturida kо‘rsatilgandan tashqari qо‘shimcha pulli ta’lim xizmatlari kо‘rsatish, ishlanmaydigan kunlarda yoki belgilangan ish soatlaridan tashqari bolaning qonuniy vakillari bilan kelishuv asosida bolalarni parvarishlash va ularga qarab turish bо‘yicha xizmatlar kо‘rsatish;
bolaning qonuniy vakillari bilan hamkorlik qilish;
maktabgacha ta’lim tizimini rivojlantirish bо‘yicha innovatsion faoliyatda qatnashish.
Maktabgacha ta’lim tashkilotlari qonun hujjatlariga muvofiq boshqa huquqlarga ham ega bо‘lishi mumkin.
19. Maktabgacha ta’lim tashkilotlari:
Ilk va maktabgacha yoshdagi bolalar rivojlanishiga qо‘yiladigan davlat talablariga muvofiq ta’lim-tarbiya jarayonini amalga oshirishi;
maktabgacha ta’limning tegishli sifatini ta’minlashi;
bolani tarbiyalash va о‘qitish masalalari bо‘yicha uning qonuniy vakillariga maslahatlar bilan yordam berishi;
bolalarni kamol toptirish, tarbiyalash va о‘qitish uchun xavfsiz shart-sharoitlarni yaratishi;
maktabgacha ta’lim sifati ta’minlanishini nazorat qilishda vakolatli davlat organlariga kо‘maklashishi shart.
Maktabgacha ta’lim tashkilotlarining qonun hujjatlariga muvofiq boshqa majburiyatlari ham bо‘lishi mumkin.
20. Maktabgacha ta’lim tashkilotlari quyidagilar uchun javob beradi:
bolaning huquqlari va qonuniy manfaatlari buzilishi;
bolalar maktabgacha ta’lim tashkilotida bо‘lgan vaqtida ularning hayotini himoya qilishni va sog‘lig‘ini mustahkamlashni tashkil etish;
ta’lim-tarbiya jarayonini tashkil etishda qо‘llaniladigan shakllar, usullar va vositalarning bolalarning yosh, ruhiy va fiziologik xususiyatlari, qiziqishlari, qobiliyatlari, manfaatlari va ehtiyojlariga muvofiq kelmasligi;
bolalarni umumta’lim muassasalaridagi boshlang‘ich ta’limga shaxsga yо‘naltirilgan yondashuvni qо‘llagan holda tayyorlash sifati;
ta’lim dasturlari tegishli sifatda va belgilangan hajmda amalga oshirilishini ta’minlash;
ushbu Nizomda nazarda tutilgan vazifalar va funksiyalarni bajarish.
21. Maktabgacha ta’lim tashkilotlari faoliyati ustidan monitoring olib borish va nazorat qilish vakolatli davlat organlari tomonidan qonun hujjatlariga muvofiq amalga oshiriladi.
22. О‘quv jarayonidan siyosiy maqsadlarda yoki ta’lim olayotgan bolalarni О‘zbekiston Respublikasi Konstitusiyasi va qonun hujjatlariga zid harakatlarni sodir etishga undash uchun foydalanish taqiqlanadi.
23. Pedagog xodimlar maktabgacha ta’lim tashkilotlarida ta’lim-tarbiya jarayonini tashkil etish uchun javob beradilar.