Samarqand davlat chet tillar instituti axborot texnologiyalari kafedrasi axborot texnologiyalari fanidan

 
 
 
Lingafon kabinet turlari 
Lingafon kabinetlarning bir nechta turlari mavjud. Bular Sanako, Technilab, 
Rinel, Dialog, Atanor kabinetlari. Bu laboratoriyalarning yaratuvchilari xorijiy va 
Rossiya mutaxassislari hisoblanishadi. Har bir kompaniya bitta lingafon kabinet 
emas, balki seriyali kabinetlarni ishlab chiqarmoqda. Masalan, Rinel kompaniyasi 
Rinel-Lingo L200, Rinel-Lingo L300, Rinel-Lingo SX108 Audio lingafon 
kabinetlarini ishlab chiqargan. Bu kabinetlar tarkibi, ish joylari soni, bahosi bilan farq 
qiladi. Bundan tashqari, dasturiy va apparat ta‘minoti yangilanib boradi.
 
Oxirgi vaqtlarda kompyuter texnikasi juda rivojlanib bormoqda. Ko‘pgina 
lingafon kabinetlari komyuterlar asosida qurilgan uchun, ular doimiy yangilanib va 
takomillashib turmoqda.
Turli ishlab chiqaruvchilar tomonidan ishlab chiqarilgan lingafon 
kabinetlarining ko‘pchiligi bitta texnologiyaga asoslanadi: ta‘lim jarayoni o‘quvchilar 
uchun aniq ish joylari soni va o‘quv jarayonini tashkillashtiradigan va topshiriqlar 
bajarilishini nazorat qiladigan o‘qituvchi ish joyidan iborat kompyuter tarmog‘i 
bazasida quriladi. Har bir ish joyi mikrofon-telefonli garnitura bilan jihozlangan. 

---

16 
Bundan tashqari, lingafon kabinetda qo‘shimcha qurilmalar bo‘lishi mumkin: 
interaktiv doska, videokamera va boshqalar.
Har bir kompaniya o‘zining ta‘lim modeli, elektron o‘quv kurslarini yaratish 
va ko‘rish sohasini yaratadi. Shuning uchun, mos holda, turli lingafon kabinetlar turli 
ishlash imkoniyatlariga va turli xil variantlariga ega.
Masalan, Sanako Lab 100 lingafon kabinetida faqatgina o‘qituvchi ish joyi 
kompyuter bilan jihozlangan, o‘quvchilar ish joyi esa magnitofonlar bilan 
jihozlangan. Bundan ko‘rinib turibdiki, bu lingafon kabineti tinglash va gapirish 
ko‘nikmalarini rivojlantirish uchun mo‘ljallangan bo‘lib, o‘qish va yozish uchun 
umuman ishlatish mumkin emas. Biroq uning afzalligi boshqa lingafon 
kabinetlaridan arzonligi hisoblanadi. Uni axborotni vizual emas, balki audio 
ko‘rinishda qo‘llashda ishlatish qulay.
Rinel-Lingo kabinetlari ko‘proq multimediya imkoniyatlariga ega. Har bir 
o‘quvchining ish joyi kompyuter va garnitura bilan jihozlangan. Bu ta‘limni nutq, 
jumladan o‘qish va yozish, hamda nazorat va o‘z-o‘zini nazorat qilish orqali 
tashkillashtirishga ruxsat beradi.
Lingafon kabinetning yangi texnika bilan ta‘minlanishi va didaktik 
imkoniyatlarini ko‘rib chiqamiz.