Samaraqand davlat universiteti

Umumrivojlantiruvchi mashqlar
Qoʼl va yelka muskullari uchun mashqlar. Dastlabki holat: gavda tik tutilgan, oyoqlar yelka kengligida ochilgan, qoʼllarni yuqoriga koʼtarish va bukish, yonga choʼzish va bukish; koʼkrak oldida chalishtirish va yonga uzatish; qoʼllarni orqaga yashirish, bosh ustida, koʼkrak oldida chapak chalish; qoʼllarni oldinga va orqaga aylantirish, pastga-yuqoriga (qoʼllar yon holatda), qoʼllarni bosh ustiga koʼtarish va kaftlarni aylantirish. Shuningdek, mashqlarni turli xil buyumlar (shiqildoqlar, kubiklar, lentachalar, roʼmolchalar) bilan turlicha holatlarda bajarish.
Oyoqlar uchun mashqlar. Turgan joyida yurish, oldinga qadam tashlash. Oyoq uchini koʼtarib tovonda turish, barmoqlarini qimirlatish.
Gavdani rivojlantiruvchi mashqlar. Oʼng va chapga oʼgirilish; qoʼlidagi buyumni yonida turgan bolaga uzatish. Oldinga va yon tomonlarga engashish. Oʼtirgan holda oyoqlarni bukish va yozish. Chalqancha yotgan holda oyoqlarni yuqoriga koʼtarib, tushirish, qoʼllar va oyoqlarni bir vaqtda birgalikda qimirlatish. Oʼtirish va turish. Qorin bilan yotgan holda qoʼllarni va oyoqlarni koʼtarish, yonboshdan-yonboshga agʼdarilish.
Saflanish va qayta saflanish. Jismoniy tarbiya instruktori yordamida guruhlarga boʼlinish yoki birlashish, bir-birining ketidan turish, butun guruh bilan aylana boʼylab, juft-juft boʼlib saflanish.
Sogʼlomlashtirish ishlarini tashqil etish
Ertalabki badantarbiya. Har kuni ertalab badantarbiya qilish, harakatlarni namunaga muvofiq bajarish. Badantarbiyani ochiq havoda, yengil kiyimda bajarish va suv muolajalari bilan tugallash (kattalar koʼmagida).
Qomatni toʼgʼri tutish. jismoniy tarbiya instruktori nazorati ostida jismoniy mashqlarni muntazam bajarish. Toʼgʼri qomatni shakllantirish, yassitovonlikning oldini olishga yordam beradigan mashqlarni bajartirish.
Oʼquv yili oxirida bola:
- jismoniy tarbiya instruktori namunasi asosida bir qator boʼlib toʼgʼri yuradi;
- oyoqlarini sudramasdan yuradi;
- oyoqlarining uchida yuradi;
- eni 15-20 sm boʼlgan yuzada yuradi;
- ilon izi shaklidagi chiziqcha ustidan yuradi;
- toʼlqinsimon shaklda tashlab qoʼyilgan arqon ustidan yurib oʼtadi;
- eni 20 sm boʼlgan yuzada yoʼnalishni saqlab yuradi;
- doira boʼylab bir tomonga qarab 30-40 soniya davomida yuguradi;
- turgan joyida ikki oyoqlab sakraydi;
- eni 20-25 sm boʼlgan kichik ariqchadan sakraydi;
- toʼsiqlar ustidan sakrab oʼtadi;
- balandligi 25-30 sm boʼlgan arqon ostidan emaklab oʼtadi;
- turgan joyida aylanadi;
- umumrivojlantiruvchi mashqlarni tarbiyachi namunasi asosida bajaradi;
- saflanish mashqlarini koʼrsatma asosida bajaradi;
- ertalab badantarbiya qilishga odatlanadi;