Samaraqand davlat universiteti

Аsosiy harakatlarga doir mashqlar

Yurish mashqlari. Oddiy gimnastik qadam tashlab yurish; oldinga, yonga, orqaga, doira boʼylab, yengil qadam tashlab yurish; bir qatorda va juftlikda, oyoqlarini old tomon tashlab shahdam yurish, oyoq uchlarida yurish, kattalarning koʼrsatmasiga qarab yurish; tezligi va yoʼnalishini oʼzgartirgan holda yurish; yurish vaqtida muvozanatni saqlash. Gimnastika oʼrindigʼida tik turish, oyoq uchida turish, gimnastika oʼrindigʼi ustidan yurib oʼtish, qoʼllar belda, koʼzni yumib yurish koʼnikmalarini tarkib toptirish.

Yugurish mashqlari. 1,5 daqiqa davomida sekin yugurish; 30-40 m masofaga oʼrtacha tezlikda yugurish; buyumlar orasidan, ularga tegib ketmaslikka harakat qilgan holda yugurish; 10x3 masofaga borib-kelgan holda yugurish; sekin, oʼrtacha va tez yugurishga; kim oʼzarga yugurishga oʼrgatish; yugurish vaqtida muvozanatni saqlash.

Sakrash mashqlari. Turli usullarda: ikki oyogʼida, bir oyogʼida oldinga harakatlanib, bir oyogʼini ikkinchi oyogʼiga almashtirib sakrash; chiziqlar ustidan; past buyumlar ustidan sakrab oʼtish va sakrab tushish; yugurib kelib balandlik va uzunlikka sakrash.

Otish, ilib olish va irgʼitish mashqlari. Toʼpni bir qoʼl bilan otish va ilib olish; bir qoʼlidan boshqa qoʼliga irgʼitish; koptokni oʼz sherigiga turli holatlarda irgʼitish; bir joyda turib yoki oldinga harakatlanib, polga, yerga urish; ikki qoʼli bilan ilib olish, bu jarayonda (yuqoriga otib tushgunga qadar) chapak chalish va boshqa topshiriqlarni bajarish.

Emaklash va oʼrmalab chiqish mashqlari. Emaklab yurish, qorinda va yelka bilan yotib qoʼllarga tayanib hamda oyoqlarni itarib xona boʼylab emaklay olish; gimnastika kursisi ustidan oʼrmalash, gimnastika narvonchasidan, zinadan chiqish va tushish, toʼsiqlar ustidan oʼtish.

10. Ertalabki gimnastika uchun mashqlar tanlash va ular asosida gimnastika kompleksini tuzish, jismoniy tarbiya daqiqalarini o‘tkazish

Reja

1. 
   Rahbarlik usullari
   
2. 
   Ertalabki gimnastikaning namunaviy kompleksi
   
3. 
   Jismoniy tarbiya daqiqalari
   

Ertalabki gimnastikani o‘tkazishda mashqlarni bolalar bilan avval o‘rganilgan mashqlar ichidan oldindan tanlab olishni talab

etadi. Tanlab olingan mashqlardan har kuni foydalanish uchun mashqlar komplekslari tuziladi. Kompleks uchun mashqlar tan- lash organizmning hayot faoliyatini oshirishni ko‘zda tutadi. Bunga asosiy muskul guruhlarini asta-sekin ishga jalb etish, ularni to‘g‘ri qomatni tarbiyalash maqsadlarida rivojlantirish va mustahkamlash orqali erishiladi.
Muayyan tartibda joylashgan turli muskul guruhlarini inten- siv faoliyatga tortishni ko‘zda tutuvchimashqlar har bir mashqlar kompleksi mazmunini tashkil etadi. Bunda mashg‘ulotlarning quyidagi izchilligi belgilanadi: 1) yelka kamari muskullarini rivojlantiruvchi va mustahkamlovchi, yelka bo‘g‘imlari, ko‘krak qafasi harakatchanligini rivojlantirishga, umurtqa pog‘onasini rostlashga xizmat qiluvchi mashqlar; 2) orqa muskuli va umurtqa pog‘onasi egiluvchanligini rivojlantirish va mustahkamlashga mo‘ljallangan, bu muskullarning rivojlanishiga xizmat qiluvchi, ichki organlarga massaj kabi ta’sir etuvchi, oyoq bo‘g‘imlarini rivojlantiruvchi, to‘g‘ri qaddi-qomatning shakllanishiga yordam beruvchi mashqlar; 3) qorin va oyoq muskullarini rivojlantirishga mo‘ljallangan, bu muskullarni mustahkamlashga qaratilgan va ichki organlarga massaj kabi tasir qiluvchi mashqlar. Kompleks mashqlar uchun aniq mashqlarni tanlash bolalar bog‘chalarining har bir yosh guruhi dasturi bilan muayyan guruh bolalari imkoniyatlari va salomatligining ahvoli, shuningdek, ularning individual xususiyatlarini hisobga olgan holda belgilanadi.
Ertalabki gimnastika organizmning funksional holatiga ro-
hat baxsh etadigan yurish va yengil yugurish yassi tovonlikdan saqlanishni, fazoda mo‘ljal olishni ko‘zda tutuvchi uzoq davom etmaydigan mashqlar bilan boshlanadi. Bunda bolalar umum- rivojlantiruvchi mashqlarni bajarish uchun birnecha kolonna bilan yoki doira bo‘lib saflanadilar. So‘ngra yugurish (yoki sakrash) dan asta-sekin avval intensiv, keyin joyida turib yurishga o‘tish va to‘xtash bilan tugallanadigan mashqlar bajariladi.
Shunday qilib, ertalabki gimnastika jarayonida barcha asosiy muskul guruhlari ishga tushadi va butun organizmni

faoliyat holatiga keltiradi. Yugurish yoki sakrash vaqtida juda katta jismoniy yuklamadan so‘ng uning asta-sekin pasayishi (yurish vaqtida) yuz beradi va to‘xtash chog‘iga kelib organizm holati avvalgi normasiga qaytadi.
Ertalabki gimnastika chog‘ida gimnastika inventarlari (bayroqchalar, tayoqchalar, chambaraklar va hokazo) dan foydalanish o‘rinli bo‘ladi. Bu ularni muayyan tartibda va kelishilgan joyda saqlashni talab etadi, chunki ularni bolalar yurish jarayonida qo‘yilgan joyidan oladilar.