Самарқанд вилоят Ҳокимлиги самарқанд давлат университети

7. Ток гуллагунча шўра хомток, гуллагандан кейин ғўра хомток қилиш жуда зарур. Шўра хомток даврида кундадан ўсиб чиққан бақувват новдалардан 3-4 таси қолдирилиб, қолганлари кесиб ташланади (ўринбосар новдалар учун). Ғўра хомток қилишда шу йилги ўсиб чиққан қўлтиқ новдаларни тўлиқ олиб ташлаш керак. Шўра хомтокдан кейин кўк новдалар тезда боғланиши керак (шпалер ва войишларга). Токларга офтоб яхши тушиши зараркунанда ва касалликларни кескин камайтиради. Ток гуллашдан олдин новдалар учи чилпиб чиқилади. Шунда новдалар учи ўсишдан тўхтайди ва гуллашда ҳосил 15-20% кўпаяди.
8.Токни оғир тупроқларда 2-4 марта, қумли тупроқларда 9 мартагача суғориш керак. Апрел ойининг 1-25 ларида албатта суғориш зарур.
9. Токка кузда ва қишда озуқа берилмаган бўлса, баҳорда суғоришдан олдин 120 кг/га азот, 90 кг/га фосфор, 30 кг/га калий ( соф ҳолда) солиш керак.
Сабзавот ва полиз экинларининг зараркунандаларига қарши биологик кураш
Карамнинг доимий зараркунандалари қуйидагилар: карам бити, карам куяси, бутгуллисимонлар бургачалари, карам оқ капалаги, кузги тунлам ва бошқалар. (Биологик кураш учун фойдали ҳашоратларни тумандаги биолабораториялардан сўранг).
1. Март ойининг иккинчи ва учинчи ўн кунликларида карам оқ капалаги, карам куяси тухумларига қарши трихограмма 1г/га ҳисобида, карам бити ва тамаки трипси личинкаларига қарши олтинкўз тухумлари 10:1 (зараркунанда:олтинкўз тухуми) нисбатда тарқатилади.
2. Апрель ойининг иккинчи ва учинчи ўн кунликларида карам, шолғом оқ капалаги ва карам куясига ҳамда йўнғичқа, гамма тунламларининг тухумларига ва қуртларига қарши бракон қўлланилади.
3. Май ойининг биринчи ва иккинчи ўн кунликларида ва июнь ойи давомида карамдаги кузги, ундов, йўнғичқа тунламлари, айиқсимон қурт тухумларига ва 1-2 ёшдаги қуртларига, ўсимлик битлари, ўргимчаккана, тамаки трипси, карам куяси, карам бити, оқ капалакларга қарши олтинкўз тухуми тарқатилади.
4. Май-июнь ойлари давомида карамдаги ундов, аъло, беда тунламлари тухумлари ва қуртларига қарши трихограмма ва бракон яйдоқчилари мунтазам равишда чиқариб турилади. Май ойининг учинчи ўн кунлигида карамда учрайдиган тунламлар қуртларига қарши бракон яйдоқчиси тарқатилади.