Самарқанд вилоят Ҳокимлиги самарқанд давлат университети

Карам бити (шира), тунламалар, куялар, оқ капалакга қарши
1. Биологик кураш. Карам кўчатлари ривожлана бошлаганда биолабораториядан олтинкўз тухумлари олиб келиб иссиқхоналарга ва томорқага қўйилади.
2. Кам заҳарли бўлган сувда ҳўлланувчи олтингугурт кир ювиш кукуни билан аралаштирилиб тайёрланади. Чунки олтингугурт оддий сувда эримайди. Тайёрлаш усули: 10 литр сувга 30г кир ювиш порошоги солиб кўпикли эритма тайёрлаб, ушбу эритма устига 300 г олтингугурт кукунини солиб, яхшилаб аралаштирилади. Ушбу эритма билан карам кўчатлари экилгандан кейин дастлабки ширалар аниқланганда биринчи марта пуркалади. Кейинчалик шира такрор тушган пайтда қайтадан пуркалади.
Кимёвий кураш. Қуйидаги берилган кимёвий препаратларнинг бирортаси билан ўсув даврида карам баргларининг устки томони битлар тўдаси билан қоплана бошлаганда фақат бир марта қуйидаги дориларнинг биронтаси пуркалади: Айкидо -5% ли эм.к. 1 литри 75минг сўм. 20 литр сувга 10-15 мл дори қўшилади; Агрофос Д. гектарига 1,0-1,5 литр пуркалади. 10 литр сувга 15-20 мл қўшиб сепилади. Нархи 1 литри 90 минг сўм; Агрофос Экстра; Дельтарин-2,5% 10 литр сувга 10 миллилитр қўшилади. Зараркунандалар ва экиннинг турига қараб гектарига 0,2-0,5 литр пуркалади.
Ҳосил йиғиштиришга 30 кун қолганда дорилаш тўхтатилади.
Карам куяси ва тунламларга қарши

1. Биологик кураш. Карам кўчати экилгандан 20 кундан кейин биолабораториядан трихограмма олиб келиб иссиқхонанинг ёки томорқанинг ўртасига банканинг оғзи очиб қўйилади. Яна 20 кундан кейин биолабораториядан габракон олиб келиб қўйилади.
2. Кимёвий кураш. Ўсув даврида карам барглари четидан куя ва тунламлар қуртлари кемира бошлаганда берилган препаратлардан бирортаси билан икки марта (ҳар 15 кунда) пуркалади. Эмперия 10% с.э.гр 100 гр 38 минг сўм. 10 литр сувга 5 грамм дори қўшилади; Протект. Юқори ҳароратларда ҳам самарасини пасайтирмайди ва 15 кунгача таъсир кучини сақлаб қолади. Сарф меъёри 0,2-0,3 кг/га; Кинмикс 5% эм.к. Сарф меъёри 0,15-0,2 л/га, ўсимликнинг ўсув даврида, мавсумда 2 марта пуркалади; Фьюри 10% с.э.к. Сарф меъёри 0,1 га/л, ўсимликнинг ўсув даврида, мавсумда 2 марта пуркалади; Фуфанон 57% эм.к. Сарф меъёри 0,6-1,2 га\л, ўсимликнинг ўсув даврида, мавсумда 2 марта пуркалади; Фенкилл, 20% эм.к. Сарф меъёри 0,2 га\л, ўсимликнинг ўсув даврида, мавсумда 2 марта пуркалади; Энг самарали ва арзони: ЗОРРО препарати 1 пачкаси 5 гр – 10 литр сувга қўшилади. Ширалар, куялар, тунламлар ва парвоналарга қарши юқори самарали. Нархи 25 грамми 20 минг сўм; Бензофосфат, 30% н.кук. Сарф меъёри 2,0-2,3 кг/га. Ўсимликнинг ўсув даврида пуркалади. Эртаги навларда ишлатиш тақиқланади; Ципер­метрин 25% эм.к. Сарф меъёри 0,16 га/л ўсимликнинг ўсув даврида, мавсумда 2 марта пуркалади.
Ҳосил йиғиштиришга 30 кун қолганда дорилаш тўхтатилади.