Самарқанд қишлоқ хўжалик институти “Олий математика ва ахборот технологиялари” кафедраси Информатика ва ат фанидан

2.Информатика фанининг предмети. Ахборот технологияси

Информатика – бу ахборотни таркиби ва умумий хусусиятларини ўрганувчи, шунингдек уни яратиш, сақлаш, излаш, шакллантириш, узатиш, инсонлар фаолиятини турли соҳаларида қўллашни қонуниятлари ва усулларини ўрганишда компьютер техникасини татбиқига асосланган фандир.
Информатика фан сифатида техник, дастурий ва алгоритмик воситаларни ўзида мужассамлаштиради.
Ахборот жараёнлари информатика фанининг предмети ҳисобланади
Ахборот жараёнлари деганда- ахборотларни излаш, йиғиш, сақлаш, қайта ишлаш, узатиш ва фойдаланиш жараёнлари тушунилади.

• 
  Излаш- кузатиш, мутахассислар билан мулоқат, адабиётларни ўқиш, ахборот ресурсларига мурожаатлар (Интернет), ахборот тизимларига сўровлар…
  
• 
  Сақлаш- ёзув дафтарлари, конспектлар, китоблар, архивлар, видеоёзувлар, электрон ташувчилар-дискларга ёзилган ахборотлар.
  
• 
  Қайта ишлаш- муайян коидаларга асосланган ҳолда ахборотни ўзгартириш жараёни
  

Демак, ахборот жараёнлари – белги ва сигналлар шаклида ахборотларни узатиш, қайта ишлаш ва сақлаш жараёнларини ўзида мужассамлаштиради.
Информатиканинг қўлланиш соҳалари:

• 
  Ҳисоблаш тизимлари ва дастурий таъминотларни ишлаб чиқиш;
  
• 
  Ахборот назарияси;
  
• 
  Математик моделлаштириш;
  
• 
  Тизимли таҳлил;
  
• 
  Биоинформатика;
  
• 
  ижтимоий информатика;
  
• 
  машина графикаси, аннимациялар, мультимедиа воситалари;
  
• 
  телекоммуникацион тизимлар ва тармоқлар;
  

Ахборот технологияси деганда ахборот жараёнларини техник воситалар ва қурилмаларни қўллаш асосида ташкил қилиш тушунилади.
Ахборот технологияларини турлари: хат, почта, телеграф, телефон, телевидение, телекоммуникациялар, электрон почта ва ҳ.к.
қоғозли технологиялар деганда – қоғозли ташувчилардан фойдаланиб
ахборотларни йиғиш, узатиш ва қайта ишлаш технологияси тушунилади. янги ахборот технологиялари деганда - ЭҲМлардан фойдаланиб
ахборотларни йиғиш, узатиш ва қайта ишлаш технологияси тушунилади.